Ambuja Cement: అంబుజా చేతికి ‘మై హోమ్‌’ గ్రైండింగ్‌ యూనిట్‌

దిల్లీ: అదానీ గ్రూప్‌నకు చెందిన అంబుజా సిమెంట్స్‌ తమిళనాడులోని తూత్తుకుడిలో మై హోం గ్రూప్‌కు చెందిన 1.50 MTPA సిమెంట్‌ గ్రైండిండ్‌ యూనిట్‌ను రూ.413.75 కోట్లకు కొనుగోలు చేస్తున్నట్లు అంబుజా సిమెంట్స్‌ ఒక ప్రకటనలో తెలిపింది. ఈ ప్లాంట్‌ పోర్ట్‌ సమీపంలో 61 ఎకరాలలో విస్తరించి ఉంది. ఈ ఒప్పందంతో దక్షిణాది మార్కెట్లలో అంబుజా సిమెంట్స్‌ తన ఉనికిని మరింత మెరుగుపర్చుకోనుంది. భారతదేశంలోని ప్రముఖ సిమెంట్‌ కంపెనీల్లో ఒకటైన అంబుజా..దాని అనుబంధ సంస్థలైన ఏసీసీ లిమిటెడ్‌, సంఘీ ఇండస్ట్రీస్‌ లిమిటెడ్‌తో కలిపి దేశవ్యాప్తంగా 18 ఇంటిగ్రేటెడ్‌ సిమెంట్‌ ఉత్పత్తి ప్లాంట్లు, 19 సిమెంట్‌ గ్రైండింగ్‌ యూనిట్లు కలిగి ఉంది. దీంతో అదానీ గ్రూప్‌ సిమెంట్‌ సామర్థ్యం 78.90 MTPAకు చేరింది.