Audi: ఆడి కార్ల ధర పెంపు.. ఎప్పటి నుంచంటే?

దిల్లీ: జర్మనీకి చెందిన వాహన తయారీ సంస్థ ఆడి కార్ల ధరలను పెంచనుంది. భారత్‌లో విక్రయిస్తున్న అన్నిరకాల మోడళ్లపై జూన్‌ నుంచి కొత్త ధరలు అమల్లోకి రానున్నాయి. పెరిగిన రవాణా ఛార్జీలతో పాటు నిర్వహణ వ్యయాలను సర్దుబాటు చేయడం కోసమే ఈ నిర్ణయం తీసుకొన్నట్లు కంపెనీ గురువారం తెలిపింది.

కారు మోడల్‌ను బట్టి ధరను గరిష్ఠంగా రెండు శాతం వరకు పెంచనున్నట్లు ‘ఆడి ఇండియా’ పేర్కొంది. తద్వారా కంపెనీ వ్యాపార వృద్ధితో పాటు డీలర్లకూ ప్రయోజనం చేకూరుతుందని అభిప్రాయపడింది. 2023-24లో ఈ కంపెనీ భారత్‌లో 7,027 యూనిట్లను విక్రయించింది. వార్షికంగా 33 శాతం వృద్ధి నమోదు చేసింది. భారత్‌లో ఆడి ఏ4, క్యూ3, క్యూ5, ఆర్‌ఎస్‌ క్యూ8 వంటి ప్రముఖ మోడళ్లను విక్రయిస్తోంది.