Bajaj Auto: మే నెలలో స్థిరంగా బజాజ్‌ ఆటో అమ్మకాలు

దిల్లీ: పుణెకు చెందిన ప్రముఖ వాహన తయారీ సంస్థ బజాజ్‌ ఆటో అమ్మకాలు 2024, మే నెలలో 3,55,323 యూనిట్లుగా నమోదయ్యాయి. గతేడాది ఇదే సమయంలో 3,55,148 యూనిట్లను కంపెనీ విక్రయించింది. ఈ మేరకు కంపెనీ తన రెగ్యులేటరీ ఫైలింగ్‌లో పేర్కొంది. 2023 మే నెలలో విక్రయించిన 2,28,401 యూనిట్లతో పోలిస్తే, మొత్తం దేశీయ విక్రయాలు (వాణిజ్య వాహనాలతో సహా) గత నెలలో 1 శాతం క్షీణించి 2,25,087 యూనిట్లకు పడిపోయాయి. 2024 మే నెలలో ఎగుమతులు 3 శాతం పెరిగి 1,30,236 యూనిట్లకు చేరాయి. గతేడాది మే నెలలో విదేశీ మార్కెట్లకు 1,26,747 వాహనాలను ఎగుమతి చేసింది.