GDP growth: జీడీపీ వృద్ధి 6.7శాతం!

2023-24 జనవరి-మార్చిపై ఇండ్‌-రా అంచనా

దిల్లీ: గత ఆర్థిక సంవత్సరం జనవరి-మార్చి త్రైమాసికంలో దేశ వృద్ధి రేటు 6.7 శాతంగా నమోదు కావొచ్చని ఇండియా రేటింగ్స్‌ అండ్‌ రీసెర్చ్‌ అంచనా వేసింది. అందువల్ల పూర్తి ఆర్థిక సంవత్సరానికి  (2023-24) వృద్ధిరేటు సుమారు 6.9-7 శాతం కావొచ్చని ఇండ్‌-రా ప్రధాన ఆర్థికవేత్త సునీల్‌ కుమార్‌ సిన్హా పేర్కొన్నారు. మార్చి త్రైమాసిక, 2023-24 పూర్తి ఆర్థిక సంవత్సర జీడీపీ తాత్కాలిక అంచనాలను  ప్రభుత్వం ఈ నెల 31న విడుదల చేయనున్న నేపథ్యంలో ఇండ్‌-రా ఈ విధంగా ప్రకటించింది. దేశ ఆర్థిక వ్యవస్థ గత ఆర్థిక సంవత్సరంలో త్రైమాసికాల వారీగా నమోదు చేసిన జీడీపీ గణాంకాలు పట్టికలో ఉన్నాయి.

రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) ఏప్రిల్‌ ద్రవ్య పరపతి విధాన సమీక్షలో జీడీపీ వృద్ధి రేటు 2023-24లో 7 శాతంగా ఉండొచ్చని అంచనా వేసిన సంగతి తెలిసిందే.