ఇ-స్టోర్‌ను ఆవిష్కరించిన ఒరాఫో జువెల్స్‌

ఈనాడు, హైదరాబాద్‌: వెండి ఆభరణాలను విక్రయించే ఒరాఫో జువెల్స్‌ ఆన్‌లైన్‌ విపణిలోకి ప్రవేశించింది. శనివారం సినీనటి కావ్య కల్యాణ్‌ రామ్‌ సంస్థ ఇ-స్టోర్‌ను ప్రారంభించారు. హైదరాబాద్‌లో ఇప్పటికే మూడు షోరూంలను నిర్వహిస్తున్నట్లు, వినియోగదారుల అభిరుచికి తగ్గట్టుగా ఇ-స్టోర్‌ను అందుబాటులోకి తెచ్చినట్లు సంస్థ డైరెక్టర్‌ కల్యాణ్‌ రామ్‌ తెలిపారు. తెలంగాణ, ఆంధ్రప్రదేశ్‌లలో ఫ్రాంఛైజీ విధానంలో ప్రత్యేక విక్రయ కేంద్రాలను ఏర్పాటు చేయబోతున్నట్లు వెల్లడించారు. వెండిలో వినూత్న ఆభరణాలు తీసుకొస్తున్నామని పేర్కొన్నారు. ఏటా 25 శాతం వరకూ వృద్ధిని సాధిస్తున్నట్లు వెల్లడించారు.