వినికిడి లోపం ఉన్నవారికి భారత్‌లో తొలి వీసా సమాచార కేంద్రం

వీఎఫ్‌ఎస్‌ గ్లోబల్‌ ఆవిష్కరణ

ముంబయి: వినికిడి లోపం ఉన్నవారు వీసా సేవల సమాచారాన్ని సులువుగా, స్వతంత్రంగా అందుకునేందుకు వీలు కల్పించేలా భారత్‌లో తొలి ‘సైన్‌ లాంగ్వేజ్‌ కాల్‌ సెంటర్‌’ను వీఎఫ్‌ఎస్‌ గ్లోబల్‌ ఆవిష్కరించింది. తొలి దశలో ఆస్ట్రియా, బల్గేరియా, క్రొయేషియా, సైప్రస్‌, డెన్మార్క్‌, ఎస్తోనియా, ఫిన్‌లాండ్‌, జర్మనీ, ఐస్‌లాండ్‌, ఇటలీ, లాట్వియా, నెదర్లాండ్స్‌, నార్వే, పోలాండ్‌, స్వీడన్‌, స్విట్జర్లాండ్‌లకు వెళ్లే వారికి సేవలందించనున్నట్లు ఒక ప్రకటనలో కంపెనీ పేర్కొంది. దశల వారీగా ఇతర దేశాలకూ వీటిని విస్తరించనున్నట్లు తెలిపింది.. పశ్చిమాసియా, ఉత్తర ఆఫ్రికా(మేనా) ప్రాంతంలో వినికిడిలోపం ఉన్నవారు 24 దేశాలకు వెళ్లేందుకూ వీఎఫ్‌ఎస్‌ గ్లోబల్‌ వీసా సేవల సమాచారాన్ని అందిస్తోంది. ఈ ప్రాంతంలోని ఏడు దేశాల(బెహ్రెయిన్‌, ఇరాక్‌, కువైట్‌, లెబనాన్‌, ఖతర్‌, సౌదీ అరేబియా, యూఏఈ)కు చెందిన దరఖాస్తుదారులు ఈ సేవలను అందుకోవచ్చు.