ఏఎల్‌ఎస్‌ వ్యాధికి నూతన ఔషధం
నరాల వ్యాధులకు సంబంధించిన ఒక బయోలాజికల్‌ మిశ్రమ ఔషధాన్ని వాణిజ్య ప్రాతిపదికన అభివృద్ధి చేసి వివిధ దేశాల్లో విక్రయించడానికి డాక్టర్‌ రెడ్డీస్‌ లేబొరేటరీస్‌, అమెరికాలోని టెక్సాస్‌ కేంద్రంగా కార్యకలాపాలు సాగిస్తున్న కోయ థెరప్యూటిక్స్‌ ఇంక్‌., అనే బయోటెక్నాలజీ కంపెనీతో వ్యూహాత్మక ఒప్పందం కుదుర్చుకుంది.
కోయ థెరప్యూటిక్స్‌తో డాక్టర్‌ రెడ్డీస్‌ ఒప్పందం
ఈనాడు, హైదరాబాద్‌: నరాల వ్యాధులకు సంబంధించిన ఒక బయోలాజికల్‌ మిశ్రమ ఔషధాన్ని వాణిజ్య ప్రాతిపదికన అభివృద్ధి చేసి వివిధ దేశాల్లో విక్రయించడానికి డాక్టర్‌ రెడ్డీస్‌ లేబొరేటరీస్‌, అమెరికాలోని టెక్సాస్‌ కేంద్రంగా కార్యకలాపాలు సాగిస్తున్న కోయ థెరప్యూటిక్స్‌ ఇంక్‌., అనే బయోటెక్నాలజీ కంపెనీతో వ్యూహాత్మక ఒప్పందం కుదుర్చుకుంది. దీని ప్రకారం కోయ థెరప్యూటిక్స్‌కు చెందిన ‘కోయ 302’ అనే ‘ఇన్వెస్టిగేషనల్‌ కాంబినేషన్‌ థెరపీ’ అభివృద్ధి, విక్రయ హక్కులు డాక్టర్‌ రెడ్డీస్‌కు లభిస్తాయి. అమెరికాతో పాటు కెనడా, ఐరోపా సమాఖ్య, యూకే దేశాల్లో ఈ బయోలాజికల్‌ ఔషధాన్ని డాక్టర్‌ రెడ్డీస్‌ విక్రయించే అవకాశం ఏర్పడుతుంది. జపాన్‌, మెక్సికోతో పాటు దక్షిణ అమెరికా దేశాల్లో విక్రయ హక్కులు మాత్రం కోయ థెరప్యూటిక్స్‌కు ఉంటాయి. అమయోట్రాపిక్‌ లేటరల్‌ స్కెలరోసిస్‌ (ఏఎల్‌ఎస్‌) అనే నరాల వ్యాధిని ఈ మందుతో చికిత్స చేస్తారు. కోయ 302 ప్యాక్‌లో తక్కువ డోసు ఐఎల్‌-2, సీటీఎల్‌ఏ- 4 ఎల్‌జీ (అబటాసెప్ట్‌) మందులు ఉంటాయి.
రూ.62 కోట్ల చెల్లింపులు: ‘కోయ 302’ మిశ్రమ ఔషధానికి సంబంధించిన హక్కుల కోసం ఇప్పటికిప్పుడు డాక్టర్‌ రెడ్డీస్‌ లేబొరేటరీస్‌ దాదాపు 7.5 మిలియన్‌ డాలర్లను (రూ.62 కోట్లు) కోయ థెరప్యూటిక్స్‌కు చెల్లిస్తుంది. అమెరికా ఔషధ నియంత్రణ సంస్థ (యూఎస్‌ఎఫ్‌డీఏ) నుంచి అనుమతి లభించిన తర్వాత మరో 4.2 మిలియన్‌ డాలర్లు (రూ.35 కోట్లు) చెల్లించాల్సి వస్తుంది. ఆ తర్వాత అమ్మకాల లక్ష్యాలకు అనుగుణంగా 677.25 మిలియన్‌ డాలర్ల వరకు డాక్టర్‌ రెడ్డీస్‌ చెల్లించాల్సి ఉంది.
చికిత్సా విధానాలు పెంచేందుకు కృషి: ఏఎల్‌ఎస్‌ వ్యాధితో బాధపడేవారికి ప్రస్తుతం పరిమిత చికిత్సలు మాత్రమే ఉన్నాయని.. కోయ థెరప్యూటిక్స్‌తో కలిసి నూతన చికిత్సా విధానాన్ని అందుబాటులోకి తీసుకువచ్చే ప్రయత్నాల్లో నిమగ్నమైనట్లు డాక్టర్‌ రెడ్డీస్‌ ఉత్తర అమెరికా సీఈఓ మార్క్‌ చికుచి అన్నారు. 2030 నాటికి ప్రపంచ వ్యాప్తంగా ఈ ఔషధంతో 150 కోట్ల మందికి చేరువ కావాలనేది తమ లక్ష్యమని తెలిపారు. ‘కోయ 302’ ఔషధంపై రెండో దశ క్లినికల్‌ పరీక్షల నిర్వహణ నుంచి దీనికి పూర్తిస్థాయి అనుమతులు సంపాదించే క్రమంలో డాక్టర్‌ రెడ్డీస్‌తో భాగస్వామ్యం ఎంతగానో ఉపకరిస్తుందని కోయ థెరప్యూటిక్స్‌ సీఈఓ డాక్టర్‌ హోవార్డ్‌ బెర్మన్‌ వివరించారు.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పసిడి ఆభరణాలకు గిరాకీ
బడ్జెట్లో కస్టమ్స్ సుంకం తగ్గించిన తర్వాత పసిడి ధరలు బాగా తగ్గడంతో ఆభరణాలకు గిరాకీ పుంజుకుందని పసిడి వర్తకులు చెబుతున్నారు. తగ్గిన ధరల నుంచి ప్రయోజనం పొందే ఉద్దేశంతో నగలు కొనేందుకు విక్రయ కేంద్రాలకు వస్తున్న వారి సంఖ్య పెరుగుతోందని అంటున్నారు. -
31 లోగా రిటర్నులు సమర్పించండి
గత ఆర్థిక సంవత్సరానికి గాను(అసెస్మెంట్ ఇయర్ 2024-25) ఆదాయపు పన్ను రిటర్నులను ఈ నెల 31లోగా సమర్పించాలని ఆదాయపు పన్ను(ఐటీ) విభాగం కోరింది. గడువును మరో నెల పాటు పెంచుతారని వస్తున్న వార్తల్లో నిజం లేదని పేర్కొంది. -
రూ.20,000 కోట్ల పెట్టుబడి పెడతాం
వ్యవస్థాగతంగా పోటీ సామర్థ్యాన్ని మరింతగా పెంచేందుకు, భవిష్యత్కు తగ్గట్లుగా సంస్థను అభివృద్ధి చేసేందుకు మధ్యకాలానికి రూ.20,000 కోట్ల పెట్టుబడిని పెట్టనున్నట్లు ఐటీసీ ఛైర్మన్ సంజీవ్ పురి తెలిపారు. -
ఒక్కరోజులో రూ.7.1 లక్షల కోట్ల లాభం
అయిదు రోజుల వరుస నష్టాల నుంచి సూచీలు బలంగా పుంజుకున్నాయి. ఇన్ఫోసిస్, ఎయిర్టెల్, రిలయన్స్ ఇండస్ట్రీస్ వంటి బ్లూచిప్ షేర్లు రాణించడంతో సెన్సెక్స్, నిఫ్టీ రికార్డు గరిష్ఠాల వద్ద ముగిశాయి. డాలర్తో పోలిస్తే రూపాయి 5 పైసలు పెరిగి 83.73 వద్ద ముగిసింది. -
పెళ్లయిన వాళ్లకే ట్రేడింగ్లో ఎక్కువ లాభాలు
స్టాక్ మార్కెట్లో ఇంట్రా డే ట్రేడింగ్ (ఒకే రోజుల క్రయవిక్రయాలు చేయడం) చేసే వారి విషయంలో బ్రహ్మచారులతో పోలిస్తే పెళ్లి అయిన వారే ఎక్కువ లాభాలు పొందుతున్నారట. సెబీ రూపొందించిన నివేదికలో ఈ విషయం వెల్లడైంది. -
విజయ్ మాల్యపై 3 ఏళ్ల నిషేధం
దేశం వదిలి పారిపోయిన విజయ్ మాల్యపై సెబీ నిషేధం విధించింది. ఆయన కానీ, ఆయనకు సంబంధించిన ఏ నమోదిత కంపెనీ కానీ భారత సెక్యూరిటీ మార్కెట్లలో పాల్గొనకుండా చేసింది. -
యాపిల్ ఐఫోన్ ధరలు రూ.6000 వరకు తగ్గింపు
భారత్లో ఐఫోన్ ధరలను రూ.300-6000 శ్రేణిలో తగ్గించినట్లు యాపిల్ ప్రకటించింది. మొబైల్ ఫోన్లపై దిగుమతి సుంకాన్ని 20 శాతం నుంచి 15 శాతానికి ప్రభుత్వం తగ్గించడమే ఇందుకు నేపథ్యం. -
కేఫిన్ టెక్నాలజీస్ మెరుగైన ఫలితాలు
కంపెనీలు, మ్యూచువల్ ఫండ్ సంస్థలకు రిజిస్ట్రీ సేవలు అందించే సంస్థ అయిన కేఫిన్ టెక్నాలజీస్ ఈ ఆర్థిక సంవత్సరం మొదటి త్రైమాసికానికి రూ.237.56 కోట్ల ఆదాయం, రూ.68.07 కోట్ల నికరలాభం నమోదు చేసింది. ఈపీఎస్ రూ.3.94గా ఉంది. -
ఆభరణాల మార్కెట్లోకి ఆదిత్య బిర్లా గ్రూప్
భారత ఆభరణాల మార్కెట్లోకి ఆదిత్య బిర్లా గ్రూప్ ప్రవేశించింది. ఆభరణాల బ్రాండ్ ‘ఇంద్రియ’ను ఆవిష్కరించింది. వచ్చే అయిదేళ్లలో అగ్రగామి మూడు రిటైలర్లలో ఒక కంపెనీగా మారాలని లక్ష్యంగా పెట్టుకుంది. -
పీసీఏ నిబంధనల కిందకు పట్టణ సహకార బ్యాంకులు
అవసరమైన సమయంలో పర్యవేక్షణాపరమైన జోక్యానికి వీలు కల్పించే ఉద్దేశంతో పట్టణ సహకార బ్యాంకులకు (యూసీబీలు) సత్వర దిద్దుబాటు కార్యాచరణ(పీసీఏ) నిబంధనలను రిజర్వ్ బ్యాంక్ ఆఫ్ ఇండియా(ఆర్బీఐ) విడుదల చేసింది. -
సంక్షిప్త వార్తలు( 8)
జులై 6న మొబైల్ నంబర్ పోర్టబులిటీ సేవల కింద పోర్టింగ్ అభ్యర్థనలు 100 కోట్ల మైలురాయిని అధిగమించినట్లు టెలికాం నియంత్రణ సంస్థ ట్రాయ్ వెల్లడించింది. -
మరింత తగ్గిన పసిడి ధర.. మీ నగరంలో ఎంతంటే?
Gold and Silver Prices: తెలుగు రాష్ట్రాల్లోని ప్రధాన నగరాలైన హైదరాబాద్‌, విజయవాడ, విశాఖలో బంగారం, వెండి ధరలు ఎలా ఉన్నాయో చూడండి..
తాజా వార్తలు (Latest News)
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు
-
‘గరీబ్రథ్’లో కొత్త ప్రయాణ అనుభూతి..!
-
కమలా.. మా మద్దతు మీకే
సుఖీభవ
చదువు
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
