Tech Mahindra: ప్రాంగణ ఎంపికలు చేపడతాం

ముంబయి: ఈ ఏడాదిలో కళాశాలలను సందర్శించి, ప్రాంగణ నియామకాలు (ఫ్రెషర్లు) చేపడతామని  టెక్‌ మహీంద్రా సీఈఓ మిలింద్‌ జోషి జోషి స్పష్టం చేశారు. సెప్టెంబరు చివరికి మొత్తం ఉద్యోగుల సంఖ్య 1,50,604గా ఉండగా.. డిసెంబరు ఆఖరుకు 1,46,250కు తగ్గిందని, డిసెంబరు త్రైమాసిక ఫలితాల సందర్భంగా తెలిపారు. అక్టోబరు-డిసెంబరులో టెక్‌ మహీంద్రా నికర లాభం రూ.510.4 కోట్లుగా నమోదైంది. 2022-23 ఇదేకాల లాభం రూ.1296.6 కోట్లతో పోలిస్తే ఇది 60% తక్కువ.  ఆపరేటింగ్‌ లాభాల మార్జిన్లు 12% నుంచి 5.4 శాతానికి తగ్గడం ఇందుకు కారణం. కార్యకలాపాల ఆదాయం 4.6% తగ్గి రూ.13,101 కోట్లకు పరిమితమైంది. సమీక్షిస్తున్న త్రైమాసికంలో కొత్త ఒప్పందాలు 381 మిలియన్‌ డాలర్లుగా నమోదయ్యాయి. సంస్థాగత మార్పులను ఏప్రిల్‌లో వెల్లడిస్తామని, కొత్త ఆర్డర్లు పుంజుకోవడానికి 6-9 నెలల సమయం పట్టొచ్చని జోషి అన్నారు.