లోకల్‌ ట్రైన్‌లో నిర్మలా సీతారామన్‌ ప్రయాణికులతో సెల్ఫీలు

ముంబయి: కేంద్ర ఆర్థిక మంత్రి నిర్మలా సీతారామన్‌ శనివారం ముంబయి లోకల్‌ ట్రైన్‌లో ప్రయాణించారు. ఆమె ఘట్‌కోపర్‌ నుంచి కళ్యాణ్‌ వరకు రైలులో ప్రయాణిస్తూ, ప్రయాణికులతో ముచ్చటించినట్లు ఆమె కార్యాలయం అధికారిక ఎక్స్‌ ఖాతాలో పోస్టు చేసింది. అందులో ఆమె యువతతో ఉత్సాహంగా మాట్లాడుతూ సెల్ఫీలకు పోజులిస్తూ కనిపించారు. ఈ సందర్భంగా రైల్వే సదుపాయాలు, సేవల గురించి ప్రయాణికులను అడిగి తెలుసుకున్నారు. రైళ్లలో రద్దీ, మౌలిక సదుపాయాల కల్పనపై చర్యలు తీసుకోవాలని వారు ఆమెను కోరారు. గతేడాది ముంబయి మెట్రోలో కొత్త సేవలను ప్రారంభించిన అనంతరం ప్రధాని మోదీ సైతం  గుండావలి, మోగ్రా స్టేషన్ల మధ్య ప్రయాణించారు. ఆయనతో పాటు మహారాష్ట్ర సీఎం ఏక్‌నాథ్‌, డిప్యూటీ సీఎం ఫడణవీస్‌ ఉన్నారు.