రిలయన్స్.. బ్యాంకింగ్ షేర్లు రాణించాయ్
దేశీయ సూచీలు బుధవారం లాభాల్లో ముగిశాయి. ముడిచమురు ధరలు తగ్గిన నేపథ్యంలో రిలయన్స్ ఇండస్ట్రీస్ సహా ఇతర చమురు సంస్థల షేర్లు దూసుకెళ్లడం, బ్యాంకింగ్, వాహన షేర్లు కొనుగోళ్లతో కళకళలాడటం, సానుకూల స్థూల గణాంకాలతో సెన్సెక్స్ 526 పాయింట్లు, నిఫ్టీ 119 పాయింట్లు పెరిగాయి.
సమీక్ష
దేశీయ సూచీలు బుధవారం లాభాల్లో ముగిశాయి. ముడిచమురు ధరలు తగ్గిన నేపథ్యంలో రిలయన్స్ ఇండస్ట్రీస్ సహా ఇతర చమురు సంస్థల షేర్లు దూసుకెళ్లడం, బ్యాంకింగ్, వాహన షేర్లు కొనుగోళ్లతో కళకళలాడటం, సానుకూల స్థూల గణాంకాలతో సెన్సెక్స్ 526 పాయింట్లు, నిఫ్టీ 119 పాయింట్లు పెరిగాయి. డాలరుతో పోలిస్తే రూపాయి మారకపు విలువ 4 పైసలు తగ్గి 83.33 వద్ద ముగిసింది. బ్యారెల్ ముడి చమురు 0.96% నష్టంతో 85.42 డాలర్ల వద్ద ట్రేడవుతోంది.ఆసియా మార్కెట్లు మిశ్రమంగా ముగిశాయి. ఐరోపా మార్కెట్లు కూడా ఇదే ధోరణిలో ట్రేడయ్యాయి.
సెన్సెక్స్ ఉదయం 72,692.16 పాయింట్ల వద్ద ప్రారంభమై ఆద్యంతం సానుకూలంగా కదలాడింది. ఒక దశలో 668.43 పాయింట్లు లాభపడి 73,138.73 పాయింట్ల గరిష్ఠాన్ని నమోదు చేసింది. చివరకు 526.01 పాయింట్ల లాభంతో 72,996.31 పాయింట్ల వద్ద ముగిసింది. నిఫ్టీ 50 సైతం 118.95 పాయింట్ల లాభంతో 22,123.65 పాయింట్ల వద్ద స్థిరపడింది. ఇంట్రాడేలో ఈ సూచీ 22,193.60-22,052.85 పాయింట్ల మధ్య కదలాడింది.
సెన్సెక్స్ 30 షేర్లలో 19 లాభపడ్డాయి. రిలయన్స్ ఇండస్ట్రీస్ 3.6%, మారుతీ సుజుకీ 2.16%, టైటన్ 1.65%, బజాజ్ ఫైనాన్స్ 1.63%, యాక్సిస్ బ్యాంక్ 1.23%, కోటక్ బ్యాంక్ 1.18% చొప్పున పెరిగాయి. విప్రో 1.57%, హెచ్సీఎల్ టెక్ 1.02%, టీసీఎస్ 1.02% మేర తగ్గాయి.
రూ.20 లక్షల కోట్లు మించిన ఆర్ఐఎల్ విలువ
- రిలయన్స్ ఇండస్ట్రీస్ మార్కెట్ విలువ రూ.20 లక్షల కోట్లను అధిగమించింది. ఈ షేరు ధర ఎన్ఎస్ఈలో 3.48% పెరిగి రూ.2983.75 వద్ద స్థిరపడగా, బీఎస్ఈలో 3.60% రాణించి రూ.2983.85 వద్ద ముగిసింది. సంస్థ మార్కెట్ విలువ రూ.70,039.26 కోట్లు పెరిగి రూ.20,21,486.59 కోట్లకు చేరింది. ఇంట్రాడేలో ఆర్ఐఎల్ షేరు ఒక దశలో 4% వరకు పెరిగి రూ.2,999.90 వద్ద గరిష్ఠాన్ని నమోదు చేసింది.
- మారుతీ సుజుకీ మార్కెట్ విలువ ఇంట్రాడేలో రూ.4 లక్షల కోట్లను అధిగమించింది. బీఎస్ఈలో ఇంట్రాడేలో ఒక దశలో ఈ షేరు 3.82% పెరిగి రూ.12,724.95 వద్ద రికార్డు గరిష్ఠాన్ని నమోదు చేసినప్పుడు, మార్కెట్ విలువ రూ.4,00,075.70 కోట్లకు చేరింది. చివరకు షేరు రూ.12,550 వద్ద ముగియడంతో మార్కెట్ విలువ రూ.3,94,575.23 కోట్లుగా నమోదైంది.
- దిగ్గజ న్యాయ సంస్థ శార్దూల్ అమర్చంద్ మంగళదాస్ అండ్ కో మేనేజింగ్ పార్ట్నర్ పల్లవి ష్రాఫ్ ఏషియన్ పెయింట్స్ స్వతంత్ర డైరెక్టర్గా కొనసాగేందుకు రెండోసారీ నిరాకరించారు.
- స్టూడెంట్ రిక్రూట్మెంట్ సొల్యూషన్ ప్రొవైడర్ క్రిజాక్ లిమిటెడ్ రూ.1,000 కోట్ల నిధుల సమీకరణ లక్ష్యంతో ఐపీఓకు వచ్చేందుకు సెబీ వద్ద ముసాయిదా పత్రాలు దాఖలు చేసింది.
- పీఎన్ గాడ్జిల్ జ్యువెలర్స్ రూ.1,100 కోట్ల సమీకరణ కోసం పబ్లిక్ ఇష్యూకు వచ్చేందుకు సెబీకి దరఖాస్తు చేసింది.
- 2024 ఆఖరుకు సంయుక్తంగా 5,000 వాహన ఛార్జింగ్ స్టేషన్లను దేశ వ్యాప్తంగా ఏర్పాటు చేసేందుకు టాటా మోటార్స్, హెచ్పీసీఎల్ జట్టు కట్టాయి.
- అదానీ పవర్ నుంచి 1600 మెగావాట్ల థర్మల్ ప్రాజెక్టు ఏర్పాటు కోసం రూ.4,000 కోట్ల ఆర్డర్ను భారత్ హెవీ ఎలక్ట్రికల్స్ లిమిటెడ్ (భెల్) దక్కించుకుంది.
- సీడీఎస్ఎల్ (సెంట్రల్ డిపాజిటరీ సర్వీసెస్ ఇండియా లిమిటెడ్)లో 7.18% వాటాను రూ.1,266 కోట్లకు స్టాండర్డ్ ఛార్టెర్డ్ బ్యాంక్ బుధవారం ఓపెన్ మార్కెట్ లావాదేవీ ద్వారా విక్రయించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈ 20 ఏళ్లలో నా జుట్టు కూడా మారింది కానీ..: సుందర్ పిచాయ్
గూగుల్లో ఉద్యోగం మొదలుపెట్టి 20 ఏళ్లు అయిందని సీఈఓ సుందర్ పిచాయ్ (Sundar Pichai) వెల్లడించారు. ఈ మేరకు ఓ పోస్టు పెట్టారు. -
మహిళా ఆవిష్కర్తలు పెరగాలి
మనదేశంలో మహిళా ఆవిష్కర్తల సంఖ్య తక్కువగా ఉండటం ఆందోళన కలిగిస్తోందని, ఈ అంశంపై దృష్టి సారించాల్సిన అవసరం ఉందని సుప్రీంకోర్టు మాజీ ప్రధాన న్యాయమూర్తి జస్టిస్ ఎన్.వి.రమణ అన్నారు. -
వరుస లాభాలకు విరామం
సూచీల అయిదు రోజుల లాభాల ర్యాలీకి కళ్లెం పడింది. మిశ్రమ అంతర్జాతీయ సంకేతాల నేపథ్యంలో బ్యాంకింగ్, ఫైనాన్స్ షేర్లలో మదుపర్లు లాభాలు స్వీకరించారు. -
2047 నాటికి ట్రిలియన్ డాలర్ల ఆర్థిక వ్యవస్థగా తెలంగాణ
తెలంగాణ 2047 నాటికి ఒక ట్రిలియన్ డాలర్ల (రూ.85 లక్షల కోట్ల) ఆర్థిక వ్యవస్థగా మారేందుకు భారత పరిశ్రమల సమాఖ్య(సీఐఐ) తన వంతు పాత్ర పోషిస్తుందని సీఐఐ తెలంగాణ ఛైర్మన్, భారత్ బయోటెక్ ఇంటర్నేషనల్ ఎగ్జిక్యూటివ్ డైరెక్టర్ సాయి డి ప్రసాద్ అన్నారు. -
హార్లిక్స్ ‘హెల్త్ డ్రింక్’ కాదు
హిందుస్థాన్ యునిలీవర్(హెచ్యూఎల్) తన బ్రాండ్ హార్లిక్స్ లేబుల్పై కీలక మార్పులు చేసింది. గతంలో ‘హెల్త్ ఫుడ్ డ్రింక్స్’ కేటగిరిలో ఉన్న హార్లిక్స్ను ‘ఫంక్షనల్ న్యూట్రిషనల్ డ్రింక్స్’ కేటగిరిలోకి మార్చింది. -
రిలయన్స్కు రేటింగ్ సంస్థల ‘జై’
2024 మార్చి 31తో ముగిసిన ఆర్థిక సంవత్సరానికి బలమైన ఆర్థిక ఫలితాలను ప్రకటించడంతో రిలయన్స్ ఇండస్ట్రీస్కు అంతర్జాతీయ రేటింగ్ సంస్థలు ఎస్ అండ్ పీ, ఫిచ్ జై కొట్టాయి. -
భారత జీడీపీ వృద్ధి 6.6 శాతం
ప్రస్తుత ఆర్థిక సంవత్సరం(2024-25)లో భారత జీడీపీ వృద్ధి 6.6 శాతంగా నమోదుకావొచ్చని డెలాయిట్ ఇండియా అంచనా వేసింది. -
మారుతీకి విక్రయాల జోష్
జనవరి-మార్చి త్రైమాసికంలో మారుతీ సుజుకీ ఇండియా నికర లాభం 47.8 శాతం పెరిగి రూ.3,877.70 కోట్లుగా నమోదైంది. -
హెచ్సీఎల్ టెక్ లాభం రూ.3,986 కోట్లు
దేశంలో మూడో అతిపెద్ద ఐటీ సంస్థ హెచ్సీఎల్ టెక్ జనవరి- మార్చి త్రైమాసికంలో రూ.3,986 కోట్ల నికర లాభాన్ని ప్రకటించింది. ఏడాది క్రితం ఇదే త్రైమాసికంలో కంపెనీ లాభం రూ.3,983 కోట్లుగా ఉంది. -
పూర్తి స్థాయి బ్యాంకులుగా మారేందుకు ఎస్ఎఫ్బీల నుంచి దరఖాస్తుల ఆహ్వానం
పూర్తి స్థాయి బ్యాంకులుగా మారేందుకు నిర్దేశిత అర్హతలను కలిగి ఉన్న స్మాల్ ఫైనాన్స్ బ్యాంకుల (ఎస్ఎఫ్బీ) నుంచి దరఖాస్తులను ఆహ్వానించినట్లు రిజర్వ్ బ్యాంక్ ఆఫ్ ఇండియా (ఆర్బీఐ) తెలిపింది. -
సంక్షిప్త వార్తలు(6)
అపోలో హాస్పిటల్స్ ఎంటర్ప్రైజెస్ లిమిటెడ్ (ఏహెచ్ఈఎల్) అనుబంధ సంస్థ అపోలో హెల్త్కో లిమిటెడ్(అపోలో 24/7)కు రూ.2,475 కోట్ల ఈక్విటీ పెట్టుబడులు వచ్చాయి. -
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
Flipkart: ఫ్లిప్కార్ట్ బిగ్ సేవింగ్ డేస్ సేల్ తేదీలను ప్రకటించింది. మే 3 నుంచి 9 వరకు ఈ సేల్ అందుబాటులో ఉండనుంది.
తాజా వార్తలు (Latest News)
-
ట్విటర్ (ఎక్స్)లో అడుగుపెట్టిన కేసీఆర్
-
జైల్లో కేజ్రీవాల్ ఆరోగ్యంగానే..: ఎయిమ్స్ మెడికల్ బోర్డు..!
-
దాదాపు 900 రన్స్ చేశా.. చోటు దక్కకపోతే చాలా బాధపడతా: గిల్
-
ఆలిన్ హెర్బల్ పరిశ్రమలో మళ్లీ వ్యాపించిన మంటలు
-
కారు పల్టీలు కొట్టి, చెట్టుపై ఇరుక్కుపోయి: రోడ్డు ప్రమాదంలో ముగ్గురు భారతీయులు మృతి
-
ఈ 20 ఏళ్లలో నా జుట్టు కూడా మారింది కానీ..: సుందర్ పిచాయ్