రాగి దిద్దుబాటు!

కమొడిటీస్‌
ఈ వారం

పసిడి

పసిడి ఏప్రిల్‌ కాంట్రాక్టుకు ఈవారం రూ.66,729 దిగువన షార్ట్‌ సెల్‌ పొజిషన్ల జోలికి వెళ్లకపోవడం మంచిది. ఈ స్థాయి కంటే కిందకు వస్తే రూ.65,734; రూ.65,169 వరకు పడిపోయే అవకాశం ఉండటమే ఇందుకు కారణం. ఒకవేళ సానుకూల ధోరణిలో చలిస్తే రూ.68,289 వద్ద నిరోధం ఎదురుకావచ్చు. దీనిని అధిగమిస్తే రూ.68,854; రూ.69,849 వరకు రాణిస్తుందని భావించొచ్చు.

వెండి

వెండి మే కాంట్రాక్టు రూ.74,395 కంటే కిందకు వస్తే రూ.74,135 వరకు దిద్దుబాటు కావచ్చు. ఒకవేళ రూ.74,880 కంటే ఎగువన కదలాడితే రూ.75,105 వరకు రాణించే అవకాశం ఉంటుంది.

ప్రాథమిక లోహాలు

• రాగి ఏప్రిల్‌ కాంట్రాక్టులో లాభాల స్వీకరణ కారణంగా దిద్దుబాటు చోటుచేసుకోవచ్చు. అయితే రూ.755.05 వద్ద మద్దతు లభించే అవకాశం ఉంటుంది. ఈ స్థాయిని కోల్పోతే రూ.749.45 వరకు దిగిరావచ్చు. అదేవిధంగా సానుకూలంగా చలిస్తే రూ.765.25 వద్ద నిరోధం ఎదురయ్యే అవకాశం ఉంటుంది. ఈ స్థాయిని అధిగమిస్తే రూ.769.75 వరకు పెరగొచ్చు.
• సీసం ఏప్రిల్‌ కాంట్రాక్టు రూ.177.05 కంటే దిగువన కదలాడితే రూ.175.75కు దిగిరావచ్చు. అదేవిధంగా రూ.179.25 కంటే పైన చలిస్తే  రూ.180.15 వరకు  పెరగొచ్చు.
• జింక్‌ ఏప్రిల్‌ కాంట్రాక్టు రూ.215.35 దిగువన ట్రేడయితే.. మరింతగా పడిపోయే అవకాశం ఉంది.
• అల్యూమినియం ఏప్రిల్‌ కాంట్రాక్టు ప్రతికూల ధోరణిలో చలిస్తే రూ.206.85 వద్ద మద్దతు లభించొచ్చు. ఈ స్థాయిని కోల్పోతే రూ.204.95కు దిగి రావచ్చు. ఒకవేళ రూ.210.05 కంటే పైకి వెళితే రూ.211.35 వరకు పెరిగే అవకాశం ఉంటుంది.

ఇంధన రంగం

• ముడి చమురు ఏప్రిల్‌ కాంట్రాక్టు రూ.6,784 కంటే దిగువన ట్రేడ్‌ కాకుంటే సానుకూల ధోరణికి అవకాశం ఉంటుంది. రూ.6,984 వద్ద నిరోధం ఎదురుకావచ్చు. దీనిని అధిగమిస్తే రూ.7,053; రూ.7,184కు పెరగొచ్చు. ఒకవేళ రూ.6,784 కంటే కిందకు వస్తే రూ.6,653; రూ.6584కు పడిపోవచ్చు.
• సహజవాయువు ఏప్రిల్‌ కాంట్రాక్టు రూ.133.95 కంటే కిందకు వస్తే రూ.121.35 వరకు దిగిరావచ్చు. ఒకవేళ రూ.156.25 ఎగువన చలిస్తే రూ.165.95 వరకు రాణించే అవకాశం ఉంది.

వ్యవసాయ ఉత్పత్తులు

• పసుపు ఏప్రిల్‌ కాంట్రాక్టు సానుకూల ధోరణిలో చలిస్తే రూ.17,833 వద్ద నిరోధం ఎదురయ్యే అవకాశం ఉంది. ఈ స్థాయిని అధిగమిస్తే రూ.18,516; రూ.19,033 వరకు పెరిగే అవకాశం ఉంటుంది. ఒకవేళ రూ.16,633 కంటే కిందకు వస్తే రూ.16,116; రూ.15,433 వరకు పడిపోవచ్చు.
• పత్తి క్యాండీ మే కాంట్రాక్టు రూ.62,660 ఎగువన కదలాడితే కొంత కొనుగోళ్ల మద్దతు లభించేందుకు అవకాశం ఉంది. అయితే రూ.62,980 వద్ద నిరోధం ఎదురుకావచ్చు. ఈ స్థాయిని అధిగమిస్తే రూ.63,960 వరకు పెరుగుతుందని భావించొచ్చు.

ఆర్‌ఎల్‌పీ కమొడిటీ అండ్‌ డెరివేటివ్స్‌