మోటరోలా ఎడ్జ్‌ 50 ప్రో విడుదల

దిల్లీ: ఈ ఏడాదిలో భారత్‌ నుంచి స్మార్ట్‌ఫోన్‌ ఎగుమతులను, దేశీయ విక్రయాలను రెట్టింపు చేసుకోవడంపై దృష్టి సారించినట్లు మోటరోలా ఎగ్జిక్యూటివ్‌ డైరెక్టరు (ఆసియా పసిఫిక్‌) ప్రశాంత్‌ మణి వెల్లడించారు. ఇందుకోసం పెట్టుబడులను పెంచనున్నట్లు తెలిపారు. మోటరోలా ఎడ్జ్‌ 50 ప్రో స్మార్ట్‌ఫోన్‌ను ఆవిష్కరించిన అనంతరం ఆయన మాట్లాడుతూ ప్రపంచంలోని మూడు దిగ్గజ స్మార్ట్‌ఫోన్‌ బ్రాండ్లలో ఒకటిగా ఉండాలన్నది తమ లక్ష్యమని పేర్కొన్నారు. ఈ లక్ష్య సాధనలో భారత్‌ తమకు అత్యంత ముఖ్య విపణిగా ఉండగలదని అన్నారు. మోటరోలా ఎడ్జ్‌ 50 ప్రో విక్రయాలు ఫ్లిప్‌కార్ట్‌లో ఏప్రిల్‌ 9 నుంచి ప్రారంభం అవుతాయి. ధరల శ్రేణి రూ.31,999-35,999. ఒకవేళ ఆఫర్లు వర్తిస్తే.. ఈ ఫోను ధర రూ.27,999 నుంచి మొదలవుతుంది.