శాట్‌కామ్‌ స్పెక్ట్రమ్‌పై ట్రాయ్‌ అభిప్రాయం కోరనున్న డాట్‌

దిల్లీ: శాట్‌కామ్‌ సేవల కోసం కేటాయించనున్న స్పెక్ట్రమ్‌కు ధర నిర్ణయించేందుకు, లైసెన్సింగ్‌ ప్రక్రియలపై టెలికాం నియంత్రణ సంస్థ ట్రాయ్‌ అభిప్రాయాలను టెలికాం విభాగం (డాట్‌) కోరే అవకాశం ఉందని తెలుస్తోంది.. స్పేస్‌ ఆధారిత కమ్యూనికేషన్‌ సేవలకు స్పెక్ట్రమ్‌ కేటాయింపుపై సంప్రదింపుల పత్రాన్ని ఈ నెల 6న ట్రాయ్‌ విడుదల చేసింది. అయితే కొత్త టెలికమ్యూనికేషన్‌ చట్టం ప్రకటన తర్వాత, మళ్లీ డాట్‌కు పంపింది. తాజాగా స్పెక్ట్రమ్‌ ధరల నిర్ణయం, లైసెన్సింగ్‌ విధివిధానాల కోసం ట్రాయ్‌ను డాట్‌ సంప్రదించనుందని సమాచారం. మారుమూల ప్రదేశాల్లో ఇంటర్నెట్‌ అనుసంధానత కోసం శాట్‌కామ్‌ సేవలు వినియోగిస్తారు.