దిల్లీ-దుబాయ్‌ మార్గంలో ఎయిరిండియా ఎ350 విమానం

దిల్లీ: మే 1 నుంచి దిల్లీ-దుబాయ్‌ మార్గంలో ఎయిరిండియా ఎ350 విమానాన్ని నడపబోతోంది. టాటా గ్రూప్‌నకు చెందిన ఎయిరిండియా అంతర్జాతీయ మార్గాల్లో ఈ పెద్ద విమానాలను వినియోగించనుంది. ఏఐ995/996 సర్వీసు దిల్లీలో రోజూ రాత్రి 8:45 గంటలకు ప్రారంభమై, రాత్రి 10:45 గంటలకు దుబాయ్‌ చేరుతుందని ఎయిరిండియా గురువారం ప్రకటించింది. తిరుగు ప్రయాణంలో, అర్ధరాత్రి 12:15 గంటలకు బయలుదేరి, దిల్లీకి తెల్లవారుజామున 4:55 గంటలకు చేరుకుంటుంది. ఎ350 విమానాల్లో ఫుల్‌-ఫ్లాట్ బెడ్లతో 28 ప్రైవేటు సూట్లు, ప్రీమియం ఎకానమీలో 24 సీట్లు, ఎకానమీ క్లాస్‌లో 264 సీట్లు ఉంటాయి. ఎయిరిండియా మొత్తం 40 ఎ350 విమానాలకు ఆర్డరు పెట్టగా 4 విమానాలు సంస్థ చేతికి అందాయి.