బజాజ్‌ ఆటో 800% డివిడెండు

దిల్లీ: బజాజ్‌ ఆటో అంచనాలను మించి ఫలితాలను ప్రకటించింది. మార్చి త్రైమాసికంలో స్టాండలోన్‌ పద్ధతిన రూ.1,936 కోట్ల నికర లాభాన్ని నమోదు చేసింది. 2022-23 ఇదే త్రైమాసిక లాభం రూ.1,433 కోట్లతో పోలిస్తే ఇది 35% అధికం. కార్యకలాపాల ఆదాయం సైతం రూ.8,905 కోట్ల నుంచి 29% పెరిగి రూ.11,485 కోట్లకు చేరుకుంది.

పూర్తి ఆర్థిక సంవత్సరానికి (2023-24) కంపెనీ నికర లాభం రూ.7,479 కోట్లకు చేరుకుంది. 2022-23లో ఈ మొత్తం రూ.5,628 కోట్లే. ఇదే సమయంలో ఆదాయమూ రూ.26,428 కోట్ల నుంచి రూ.44,685 కోట్లకు పెరిగింది. రూ.10 ముఖ విలువ గల ఒక్కో షేరుకు రూ.80 (800%) డివిడెండుకు బోర్డు ఆమోదం తెలిపింది.

మార్కెట్‌ ముగిసిన అనంతరం ఫలితాలు వెలువడ్డాయి. అప్పటికే బీఎస్‌ఈలో కంపెనీ షేరు 1.61% పెరిగి రూ.9,062 వద్ద స్థిరపడింది.