మహీంద్రా యూనివర్సిటీతో రాక్‌వెల్‌ ఆటోమేషన్‌ భాగస్వామ్యం

ఈనాడు, హైదరాబాద్‌: పర్యావరణ రక్షణలో ఎదురవుతున్న సవాళ్లను పరిష్కరించేందుకు అవసరమైన నైపుణ్య శిక్షణ కోసం రాక్‌వెల్‌ ఆటోమేషన్‌తో మహీంద్రా యూనివర్సిటీ అవగాహనా ఒప్పందాన్ని కుదుర్చుకుంది. ఇందులో భాగంగా ‘క్లైమేట్‌ సొల్యూషన్స్‌’ కోర్సును రూపొందించి, అమలు చేసేందుకు రెండు సంస్థలూ పరస్పర సహకారాన్ని అందించుకుంటాయి. ఈ సందర్భంగా రాక్‌వెల్‌ ఆటోమేషన్‌ ఇండియా ఎండీ దిలీప్‌ సాహ్నీ మాట్లాడుతూ.. మా నైపుణ్యం, వనరులతో పర్యావరణ రంగంలో నిపుణులను అందించాలని లక్ష్యంగా పెట్టుకున్నట్లు వివరించారు. మహీంద్రా యూనివర్సిటీ సెంటర్‌ ఫర్‌ సస్టైనబిలిటీ విభాగాధిపతి అనిర్బన్‌ ఘోష్‌ మాట్లాడుతూ.. విద్యార్థుల కోసం అధునాతన సాంకేతికతతో, వాతావరణ పరిష్కారాల ప్రయోగశాలను ఏర్పాటు చేస్తున్నట్లు తెలిపారు.