నాట్కో ఫార్మా తెలంగాణ ప్లాంట్‌లో లోపాలు

దిల్లీ: తెలంగాణలోని కొత్తూర్‌లో ఉన్న నాట్కో ఫార్మా ప్లాంట్‌లో లోపాలను అమెరికా ఔషధ నియంత్రణ సంస్థ యూఎస్‌ఎఫ్‌డీఏ గుర్తించింది. శుభ్రత పాటించడంలో, పరికరాలు- పాత్రలను నిబంధనల మేరకు స్టెరిలైజ్‌ చేయడంలో కంపెనీ విఫలమైందని, నాట్కో ఫార్మాకు పంపిన హెచ్చరిక లేఖలో యూఎస్‌ఎఫ్‌డీఏ పేర్కొంది. కంపెనీలో 2023 అక్టోబరు 9-18 తేదీల మధ్య నిర్వహించిన తనిఖీల్లో పలు లోపాలను గుర్తించినట్లు యూఎస్‌ఎఫ్‌డీఏ తెలిపింది.  ఔషధ బ్యాచ్‌లో లోపాలను వెంటనే చక్కదిద్దడంలోనూ కంపెనీ విఫలమైందని ఆరోపించింది. మొత్తం ఉల్లంఘనలు, లోపాలపై సమగ్ర నివేదిక ఇవ్వాల్సిందిగా నాట్కో ఫార్మాను ఆదేశించింది.