పోకర్ణ లాభం రూ.15.51 కోట్లు

ఈనాడు, హైదరాబాద్‌: పోకర్ణ లిమిటెడ్‌ మార్చి త్రైమాసికానికి రూ.164.38 కోట్ల ఆదాయాన్ని, రూ.15.51 కోట్ల నికరలాభాన్ని ఆర్జించింది. త్రైమాసిక ఈపీఎస్‌ రూ.5.30 గా నమోదైంది. 2022-23 ఇదేకాలంలో రూ.164.76 కోట్ల ఆదాయంపై రూ.10.68 కోట్ల నికరలాభం ఉంది. దీంతో పోల్చితే ఈసారి లాభం పెరిగింది. గత ఆర్థిక సంవత్సరం పూర్తి కాలానికి పోకర్ణ రూ.699.13 కోట్ల ఆదాయాన్ని, రూ.87.36 కోట్ల నికరలాభాన్ని నమోదు చేసింది. వార్షిక ఈపీఎస్‌ రూ.28.18గా ఉంది. 2022-23లో ఆదాయం రూ.736.48 కోట్లు, నికరలాభం రూ.65.81 కోట్లు ఉన్నాయి. వాటాదార్లకు 30% (రూ.2 ముఖ విలువ కల ఒక్కో షేరుకు 60 పైసల చొప్పున) డివిడెండ్‌ చెల్లించాలని సంస్థ యాజమాన్యం ప్రతిపాదించింది.