ఫైనాన్షియల్‌ టైమ్స్‌ ర్యాంకింగ్స్‌లో ఐఎస్‌బీకి దేశంలో ప్రథమ స్థానం

ఈనాడు, హైదరాబాద్‌: ఇండియన్‌ స్కూల్‌ ఆఫ్‌ బిజినెస్‌ (ఐఎస్‌బీ), ఫైనాన్షియల్‌ టైమ్స్‌ ఎగ్జిక్యూటివ్‌ ఎడ్యుకేషన్‌ కస్టమ్‌ ర్యాంకింగ్‌- 2024 లో మనదేశంలో ప్రథమ స్థానంలో నిలిచింది. ఆసియా దేశాల్లో 2వ స్థానం సంపాదించుకుంది. ప్రపంచ వ్యాప్తంగా 26వ ర్యాంకు సాధించింది. గత ఏడాది అంతర్జాతీయంగా 29వ ర్యాంకులో ఉన్న ఈ సంస్థ, ఇప్పుడు ఇంకా మెరుగైన ర్యాంకు సాధించడం గమనార్హం. ప్రపంచ స్థాయి వినూత్న బోధన, పరిశోధనా కార్యకలాపాలతోనే తాము అంతర్జాతీయంగా గుర్తింపు సాధిస్తున్నట్లు ఐఎస్‌బీ డిప్యూటీ డీన్‌ దీపా మణి వివరించారు. ఎగ్జిక్యూటివ్‌ ఎడ్యుకేషన్‌కు తాము అధిక ప్రాధాన్యం ఇస్తున్నామనే విషయం స్పష్టమవుతోందన్నారు.