మళ్లీ 200 బిలియన్‌ డాలర్లకు అదానీ గ్రూప్‌ మార్కెట్‌ విలువ

ముంబయి: అదానీ గ్రూప్‌ కంపెనీల మార్కెట్‌ విలువ మళ్లీ 200 బిలియన్‌ డాలర్ల (సుమారు రూ.16.9 లక్షల కోట్ల) స్థాయికి చేరింది. బుధవారం నాటి ట్రేడింగ్‌లో అదానీ గ్రూప్‌లోని నమోదిత సంస్థల మార్కెట్‌ విలువ మరో రూ.11,300 కోట్లు పెరగడంతో ఈ ఘనత సాధించింది. గత రెండు ట్రేడింగ్‌ రోజుల్లో కలిపి గ్రూప్‌ మార్కెట్‌ విలువ రూ.56,250 కోట్ల మేర పెరిగింది. తమిళనాడు విద్యుత్‌ సంస్థకు 2013లో సరఫరా చేసిన బొగ్గు నాణ్యతలో అవకతవకలు జరిగాయని వచ్చిన ఆరోపణలను అదానీ గ్రూప్‌ తోసిపుచ్చడంతో మదుపర్లు ఆయా కంపెనీల షేర్లను కొనుగోలు చేసేందుకు ముందుకొచ్చారు. దీంతో మార్కెట్‌ విలువ  పెరిగింది.