Godrej my Farm milk: విపణిలోకి గోద్రెజ్‌ మై ఫార్మ్‌ పాలు

ఈనాడు, హైదరాబాద్‌: తాజా పాలను నేరుగా వ్యవసాయ క్షేత్రం నుంచి ఇంటికి అందించేలా గోద్రెజ్‌ మై ఫార్మ్‌ పాలను గోద్రెజ్‌ అగ్రోవెట్‌ లిమిటెడ్‌ అనుబంధ సంస్థ క్రీమ్‌లైన్‌ డైరీ ప్రొడక్ట్స్‌ అందుబాటులోకి తీసుకొచ్చింది. అధునాతన సాంకేతికతతో, ఎక్కడా మానవ ప్రమేయం లేకుండా ఈ పాలను సేకరించడంతో పాటు, ప్యాకింగ్‌ చేస్తామని గోద్రెజ్‌ జెర్సీ సీఈఓ భూపేంద్ర సూరి గురువారం ఇక్కడ తెలిపారు. సహజసిద్ధ రుచి, పోషకాలను ఏ మాత్రం కోల్పోకుండా ఈ పాలు ఉంటాయని పేర్కొన్నారు. ప్రస్తుతానికి హైదరాబాద్‌లోనే ఈ పాలు లభిస్తాయని తెలిపారు. 70కి పైగా స్టోర్లతో పాటు, క్విక్‌ కామర్స్‌ సంస్థల ద్వారా కొనుగోలు చేయొచ్చని పేర్కొన్నారు. అర లీటరు ప్యాకెట్‌ ధర రూ.50గా నిర్ణయించినట్లు తెలిపారు.