Ghazal Alagh: ఆ విషయాలు నా పిల్లల నుంచే నేర్చుకున్నా.. మామా ఎర్త్‌ సీఈఓ

Ghazal Alagh | ఇంటర్నెట్‌డెస్క్‌: ఏదైనా పనిచేస్తున్నప్పుడు దగ్గరకొచ్చి.. ఎందుకిలానే చేయాలి? ఏమిటి ప్రయోజనం? అంటూ రకరకాల ప్రశ్నలు వేస్తుంటారు చిన్నారులు. చిన్న పని చేసినా తెగ సంబరపడిపోతుంటారు. ఇలాంటి విషయాలన్నీ మనం చిన్నపిల్లల చేష్టల్లో గమనిస్తూ ఉంటాం. ఇవే మనకు ఎన్నో పాఠాలు నేర్పుతాయి. ఇలా తన పిల్లల దగ్గర ఎన్నో విషయాలు నేర్చుకున్నానని తెలిపారు బ్యూటీ బ్రాండ్ మామాఎర్త్‌ (Mamaearth) సహ-వ్యవస్థాపకురాలు, సీఈఓ గజల్ అలఘ్‌ (Ghazal Alagh). తరచూ సోషల్‌మీడియా వేదికగా తన ఆలోచనల్ని, అభిప్రాయాల్ని పంచుకొనే ఆమె.. తాజాగా తన పిల్లల నుంచి నేర్చుకున్న విషయాలను తన ఫాలోవర్లతో పంచుకున్నారు.

•  ప్రతీ చిన్న విషయంలోనూ ఆనందాన్ని వెతుక్కోవడం.
•  ఇతరుల పట్ల ముందుగానే ఒక అభిప్రాయానికి రాకుండా వాళ్లను యాక్సెప్ట్‌ చేయడం.
•  శరీరానికి ఏది అవసరమో తెలుసుకోవడం.
•  కొత్త విషయాలు నేర్చుకోవడంలో ఆసక్తి.
•  ప్రశ్నించడం.

ఇంగ్లాండ్‌ నుంచి భారత్‌కు లక్ష కిలోల బంగారం తరలింపు

మీ ఇంట్లో పిల్లలు ఉంటే మీ జీవితంలో ఒక మెంటార్‌ ఉన్నట్లేనని అలఘ్‌ తెలిపారు. పిల్లలు ప్రతీ విషయంలోనూ మనల్ని ఆశ్చర్యపరుస్తుంటారు అని పేర్కొన్నా. అలఘ్‌ పోస్టుపై నెటిజన్లు తమ అభిప్రాయాల్ని పంచుకున్నారు. తాము కూడా పిల్లల నుంచి నేర్చుకున్న విషయాలను కామెంట్ల రూపంలో తెలిపారు. ‘ప్రతీ పనినీ ఎంజాయ్‌ చేయడం వారి వద్దే నేర్చుకున్నా’ అని ఓ యూజర్‌ కామెంట్‌ చేశాడు. ‘అనుకున్నది సాధించడానికి నూరు శాతం కృషి చేయాలని వారి నుంచే నేర్చుకున్నా. వాళ్లు కోరుకున్న బొమ్మను కొనిచ్చేంతవరకు ప్రయత్నాన్ని అస్సలు మానరు కదా.. అలానే’’ అంటూ మరో యూజర్‌ తన అభిప్రాయాన్ని తెలియజేశారు.