జనవరిలో పెరిగిన దేశీయ ఖనిజ ఉత్పత్తి

దిల్లీ: భారత ఖనిజ ఉత్పత్తి 2024 జనవరిలో దాదాపు 6% పెరిగింది. ప్రపంచంలోని రెండో అతిపెద్ద బొగ్గు వినియోగదారు అయిన భారత్‌ జనవరిలో రికార్డు స్థాయిలో బొగ్గును ఉత్పత్తి చేసింది. పెరుగుతున్న విద్యుత్‌ డిమాండ్‌ కారణంగా విద్యుత్‌ ఉత్పత్తి సంస్థలు బొగ్గు, ఇతర శిలాజ ఇంధనాల వినియోగానికి పెద్ద కోత విధించలేదు. గతేడాదితో పోలిస్తే మైనింగ్‌, క్వారీల ద్వారా భారత్‌ ఖనిజ ఉత్పత్తి ఈ ఏడాది 5.90% వృద్ధి చెందిందని ప్రెస్‌ ఇన్ఫర్మేషన్‌ బ్యూరో (PIB) బుధవారం తెలిపింది.

ఈ నివేదిక ప్రకారం.. పెరుగుతున్న విద్యుత్‌ డిమాండ్‌ కారణంగా దేశంలో ఈ ఏడాది 99.80 మిలియన్‌ టన్నుల బొగ్గు ఉత్పత్తి అయింది. ఉక్కుకు డిమాండ్‌ పెరగడంతో దాని ఉత్పత్తిలో కీలక ముడి పదార్థాలు అయిన ఇనుప ఖనిజం, ఇతర ఖనిజాలకు డిమాండ్‌ బాగా పెరిగింది. సింథటిక్‌ రబ్బర్‌ను తయారు చేయడానికి ఉపయోగించే మాగ్నసైట్‌ వంటి ఖనిజాల ఉత్పత్తి 90%కు పైగా పెరిగింది. వచ్చే ఆర్థిక సంవత్సరంలో భారత్‌లో శుద్ధి చేసిన రాగి ఉత్పత్తి సంవత్సరానికి 5,55,000 మిలియన్‌ టన్నులు ఉంటుందని అంచనా.