ఓయో ఐపీఓ దరఖాస్తు ఉపసంహరణ!

దిల్లీ: తొలి పబ్లిక్‌ ఆఫర్‌ (ఐపీఓ) కోసం సెబీకి సమర్పించిన దరఖాస్తును ఓయో ఉపసంహరించుకున్నట్లు తెలుస్తోంది. ప్రస్తుతం కంపెనీ రీఫైనాన్సింగ్‌ ప్రణాళికను ఖరారు చేసే పనిలో ఉందని.. ఈ ప్రక్రియ పూర్తయ్యాక తిరిగి ఐపీఓకు దరఖాస్తు చేసే యోచనలో ఉన్నట్లు సంబంధిత వర్గాలు చెబుతున్నాయి. ‘రీఫైనాన్సింగ్‌ ప్రక్రియ వల్ల కంపెనీ ఆర్థిక వివరాల్లో మార్పులు చోటుచేసుకుంటాయి. అందువల్ల నిబంధనల ప్రకారం సెబీకి సవరించిన ఐపీఓ దరఖాస్తును సమర్పించాల్సి ఉంటుంది. ప్రస్తుతం కంపెనీ రీఫైనాన్సింగ్‌కు సంబంధించి నిర్ణయం తుది దశలో ఉన్నందున.. ప్రస్తుత వివరాలతోనే ఐపీఓ దరఖాస్తు ఆమోదం కోసం ప్రయత్నించడంలో అర్థం లేద’ని ఆ వర్గాలు వెల్లడించాయి.