Zomato: రహస్యంగా వివాహం చేసుకున్న జొమాటో సీఈఓ..!

ఇంటర్నెట్‌డెస్క్‌: ప్రముఖ ఆహార డెలివరీ యాప్‌ జొమాటో(Zomato) సీఈఓ దీపిందర్ గోయల్‌ (Deepinder Goyal) రెండో పెళ్లి చేసుకున్నారు. మోడల్‌ గ్రేసియా మునోజ్‌ను వివాహం చేసుకున్నారని సన్నిహిత వర్గాలను ఉటంకిస్తూ మీడియా కథనాలు వెలువడ్డాయి. నెల క్రితమే ఈ పెళ్లి జరగ్గా.. తాజాగా ఈ విషయం వెలుగులోకి వచ్చింది.

మునోజ్‌ ఇన్‌స్టాగ్రామ్‌ బయో ప్రకారం.. ఆమె మెక్సికోలో జన్మించారు. ప్రస్తుతం భారత్‌లో ఉన్నారు. గతంలో మోడలింగ్ చేసిన ఆమె.. ఇప్పుడు సొంతంగా స్టార్టప్‌ నడుపుతున్నారు. గోయల్‌కు ఇది రెండో పెళ్లి. అంతకుముందు కంచన్‌ జోషితో వివాహం జరిగింది. దీపిందర్.. 2008లో హరియాణాలోని గురుగ్రామ్‌ కేంద్రంగా జొమాటో సంస్థను స్థాపించారు. కన్సల్టింగ్ సంస్థలో ఉద్యోగాన్ని వదిలి.. ఆహార డెలివరీ యాప్‌ ప్రారంభించారు. దేశంలో వెయ్యికి పైగా నగరాల్లోకి దీని కార్యకలాపాలు విస్తరించాయి.