ORR-Hyderabad: డివైడర్‌ పైనుంచి దూసుకెళ్లిన లారీ.. ముగ్గురి దుర్మరణం

శామీర్‌పేట్‌: హైదరాబాద్‌ ఔటర్‌ రింగ్‌రోడ్డు (ORR)పై జరిగిన రోడ్డు ప్రమాదంలో ముగ్గురు దుర్మరణం చెందారు. మరో ముగ్గురు తీవ్రంగా గాయపడ్డారు. శామీర్‌పేట - కీసర మధ్యలో ఈ ఘటన జరిగింది. 

పోలీసులు, స్థానికులు తెలిపిన వివరాల ప్రకారం.. ఔటర్‌ రింగ్‌ రోడ్డులో ఘట్‌కేసర్‌ నుంచి మేడ్చల్‌ వైపు వెళ్తున్న ఓ లారీ అదుపు తప్పి డివైడర్‌ పైనుంచి దూసుకొచ్చి.. ఎదురుగా వస్తున్న బొలెరో వాహనం, కారును ఢీ కొట్టింది. ఈ ప్రమాదంలో లారీ డ్రైవర్‌ సహా బొలెరో వాహనంలోని ఇద్దరు అక్కడికక్కడే మృతి చెందారు. మరో ముగ్గురు తీవ్రంగా గాయపడగా, వారిని ఆస్పత్రికి తరలించారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.