Mumbai: హోటల్‌లో అగ్నిప్రమాదం.. ముగ్గురి మృతి

ముంబయి: మహారాష్ట్ర రాజధాని నగరం ముంబయి(Mumbai)లోని ఓ హోటల్‌లో అగ్ని ప్రమాదం(Fire Accident) సంభవించింది. హోటల్‌ గెలాక్సీలో మంటలు చెలరేగడంతో ముగ్గురు ప్రాణాలు కోల్పోగా.. పలువురు గాయపడ్డారు.  శాంతాక్రూజ్‌ ప్రాంతంలోని ప్రభాత్‌నగర్‌ కాలనీలో ఉన్న ఈ హోటల్‌ రెండో అంతస్తులో ఆదివారం మధ్యాహ్నం ఒంటిగంట సమయంలో అగ్నిప్రమాదం సంభవించింది. ఘటనా స్థలంలో సహాయక చర్యలు కొనసాగుతున్నాయి. నాలుగు అగ్నిమాపక యంత్రాలతో మంటలను అదుపు చేస్తున్నారు. ఇప్పటివరకు ఎనిమిది మందిని సురక్షితంగా కాపాడినట్టు తెలుస్తోంది. ఈ ప్రమాదానికి కారణాలు ఇంకా తెలియరాలేదు.