Youtube: యూట్యూబ్‌లో చేతబడి వీడియోలు చూసి నరబలి

హరియాణా పానీపత్‌లో ఏడేళ్ల చిన్నారి హత్యాచారం కేసులో విస్తుపోయే నిజాలు బయటపడ్డాయి. నిందితుడు యోగేశ్‌.. ఓ బాలికను నరబలి ఇచ్చిన విషయంపై కీలక వివరాలు రాబట్టారు పోలీసులు. అమ్మాయిలను లొంగదీసుకోవడానికి నిందితుడు యోగేశ్‌ చేతబడి నేర్చుకుంటున్నాడని పోలీసులు వెల్లడించారు. యూట్యూబ్‌లో వీడియోలు చూసేవాడని.. చేతబడిలో ప్రావీణ్యం సంపాదించడానికి బాలికను చంపాలని ప్రణాళిక రచించాడని పేర్కొన్నారు. అందుకే ఏడేళ్ల చిన్నారిని టార్గెట్‌ చేసిన యోగేశ్‌.. దీపావళి రోజున ఇంటి బయట ఆడుకుంటున్న చిన్నారిని హత్యాచారం చేసి కవర్‌లో చుట్టి ఆమె ఇంటి పెరట్లో పడేశాడు.