పరీక్షకు ముందు ఎంబీబీఎస్‌ విద్యార్థి ఆత్మహత్య

జైపుర్‌: పరీక్షకు ముందు ఎంబీబీఎస్‌ విద్యార్థి ఒకరు హాస్టల్‌ గదిలో ఉరివేసుకొని ఆత్మహత్య చేసుకున్న ఘటన రాజస్థాన్‌లోని భరత్‌పుర్‌లో చోటుచేసుకుంది. అల్వర్‌కు చెందిన అవీరల్‌ సైనీ (23) ఎంబీబీఎస్‌ మూడో సంవత్సరం చదువుతున్నాడు. శుక్రవారం సాయంత్రం అతడు పరీక్ష రాయాల్సి ఉంది. అయితే ఉదయం సైనీ స్నేహితులు అతణ్ని నిద్రలేపడానికి వెళ్లగా గది లోపలి నుంచి గడియ పెట్టి ఉంది. ఎంత పిలిచినప్పటికీ అతని నుంచి సమాధానం రాకపోయేసరికి కిటికీలోంచి చూడగా, సైనీ ఫ్యానుకు ఉరివేసుకుని కనిపించాడు. వెంటనే ఆసుపత్రికి తరలించగా అప్పటికే మృతి చెందినట్లు వైద్యులు తెలిపారు.