మే డే గోడ ప్రతులను ఆవిష్కరించిన ఏఐటీయూసీ నేతలు

ఆదిలాబాద్ సాంస్కృతికం: జిల్లా కేంద్రంలోని మార్కెట్ యార్డులో సోమవారం ఏఐటీయూసీ నేతలు ప్రపంచ కార్మిక దినోత్సవానికి సంబంధించిన గోడ ప్రతులను ఆవిష్కరించారు. ఈ సందర్భంగా ఏఐటీయూసీ రాష్ట్ర కార్యదర్శి ఎస్.విలాస్ మాట్లాడుతూ.. రానున్న మే 1న నిర్వహించే ప్రపంచ కార్మిక దినోత్సవాన్ని విజయవంతం చేయాలని పిలుపునిచ్చారు. స్థానిక నేతాజీ కూడలి వద్ద నిర్వహించే బహిరంగ సభకు కార్మికులు తరలిరావాలని కోరారు. ఈ కార్యక్రమంలో ఏఐటీయూసీ జిల్లా ప్రధాన కార్యదర్శి దేవేందర్, డిప్యూటీ ప్రధాన కార్యదర్శి రాజు, సివిల్ సప్లై హమాలి వర్కర్స్ యూనియన్ జిల్లా ప్రధాన కార్యదర్శి అప్రోజ్, కార్మికులు పాల్గొన్నారు.