శుక్రవారం సీపీఐ జిల్లా సర్వసభ్య సమావేశం

అదిలాబాద్ సాంస్కృతికం: జిల్లా కేంద్రంలోని టీఎన్జీవో సెంట్రల్ గార్డెన్ లో శుక్రవారం ఉదయం 10:30 గంటలకు సీపీఐ జిల్లా సర్వసభ్య సమావేశం ఉంటుందని జిల్లా కార్యదర్శి ముడుపు ప్రభాకర్ రెడ్డి తెలిపారు. గురువారం జిల్లా కేంద్రంలోని పార్టీ కార్యాలయంలో ఏర్పాటు చేసిన సమావేశంలో ఆయన మాట్లాడుతూ.. ఈ సమావేశానికి ముఖ్య అతిథులుగా సీపీఐ జాతీయ కార్యవర్గ సభ్యులు చాడ వెంకట్ రెడ్డి, తెలంగాణ రాష్ట్ర కార్యదర్శి వర్గ సభ్యులు కలవేన శంకర్, కాంగ్రెస్ పార్టీ ఆదిలాబాద్ జిల్లా ఇన్‌ఛార్జి మంత్రి సీతక్క, కాంగ్రెస్ ఎంపీ అభ్యర్థి ఆత్రం సుగుణ, అదిలాబాద్ నియోజకవర్గ ఇన్‌ఛౄర్జి కంది శ్రీనివాస్ రెడ్డి, హాజరవుతున్నారని తెలిపారు. సీపీఐ నాయకులు, కార్యకర్తలు అధిక సంఖ్యలో తరలి రావాలని కోరారు.