ప్రేక్షకులకు వినోదం అందించడమే ధ్యేయం : నందమూరి బాలకృష్ణ

అభిమానులకు అభివాదం చేస్తున్న బాలకృష్ణ

కానూరు, న్యూస్‌టుడే: తెలుగు ప్రజలకు  వినోదం అందించడమే తన ధ్యేయమని కథానాయకుడు నందమూరి బాలకృష్ణ అన్నారు. మంగళవారం సాయంత్రం వందడుగుల రోడ్డులోని అనుమోలు గార్డెన్సులో ఆహా ఓటీటీ ప్లాట్‌ఫారంలో రానున్న అన్‌స్టాపబుల్‌-2 టీజర్‌ను విడుదల చేశారు.  ఆహా ఓటీటీ ప్లాట్‌ఫాంలో వచ్చిన ఈ ఆన్‌స్టాపబుల్‌-1 మంచి పేరు తెచ్చిపెట్టిందన్నారు. అదే స్ఫూర్తితో ఈ అన్‌స్టాపబుల్‌-2 చేస్తున్నామన్నారు. హాస్యనటులు అల్లు రామలింగయ్య కుటుంబంతో తమకు ఎంతో అనుబంధం ఉందన్నారు. మారుతున్న కాలానికి అనుగుణంగా తమ అభిమానులను అలరించేలా సినిమా, టీవీల్లో, ఓటీటీల్లో కార్యక్రమాలు చేపడతామన్నారు. సినీ కళాకారులు, నృత్యకళాకారిణులు నృత్యాలతో అలరించారు.