నాట్యప్రయోగిక పరీక్షలు

కూచిపూడి, న్యూస్‌టుడే: పొట్టి శ్రీరాములు తెలుగు విశ్వవిద్యాలయం, సిద్ధేంద్రయోగి కూచిపూడి నాట్య కళాపీఠంలో మాస్టర్‌ పెర్ఫార్మింగ్‌ ఆర్ట్స్‌ (ఎంపీఏ) కూచిపూడి నృత్యం రెండు, నాలుగో సెమిష్టర్‌ పరీక్షలు ప్రారంభమయ్యాయి. ఈ నెల 27 వరకూ పరీక్షలు కొనసాగుతాయి. శుక్రవారం ఎంపీఏ కూచిపూడి నాట్యం రెండో సెమిస్టర్‌కు 17 మంది, నాలుగో సెమిస్టర్‌కు 8 మంది విద్యార్థులు హాజరయ్యారు. సూపరింటెండెంట్‌ వేదాంతం రామలింగశాస్త్రి, పూర్ణచంద్రరరావు(మచిలీపట్నం) పర్యవేక్షించారు. గాత్రానికి వేదాంతం దుర్గాభవాని, నట్టువాంగానికి డాక్టర్‌ ఏలేశ్వరపు శ్రీనివాసులు, మృదంగానికి పసుమర్తి హరనాథశాస్త్రి సహకరించారు.