తెదేపా కార్యాలయం ప్రారంభం

ఘంటసాల: ఘంటసాల మండలం దాలిపర్రులో తెదేపా కార్యాలయంను అవనిగడ్డ నియోజకవర్గం జనసేన, తెదేపా, భాజపా ఉమ్మడి అభ్యర్థి మండలి బుద్ధ ప్రసాద్ శనివారం ప్రారంభించారు. చంద్రబాబు పుట్టినరోజు వేడుకల సందర్భంగా కేక్ కట్‌ చేసి పంపిణీ చేశారు. ఈ సందర్భంగా ఆయన మాట్లాడుతూ.. రాష్ట్రంలో అరాచక పాలనకు ప్రజలు చరమగీతం పాడాలన్నారు. డాక్టర్ బి.ఆర్ అంబేడ్కర్‌ విగ్రహానికి పూలమాల వేసి నివాళులర్పించారు. కార్యక్రమంలో జనసేన, తెదేపా నాయకులు చిలకలపూడి పాపారావు, బాల కోటేశ్వరరావు, చౌదరి బాబు, సుభాష్ చంద్రబోస్, వెంకట రామకృష్ణ, మధు, భవానీ ప్రసాద్, రామకృష్ణ, భాను ప్రకాష్, ప్రసాద్, చలపతిరావు పాల్గొన్నారు.