జగన్‌ అన్ని రంగాలను దోచేశారు : వర్ల

తోట్లవల్లూరు, న్యూస్‌టుడే: శాండ్‌, ల్యాండ్‌, మైన్‌, వైన్‌ ఇలా అన్ని రంగాలను ముఖ్యమంత్రి జగన్‌మోహన్‌రెడ్డి దోచేశారని తెదేపా కూటమి నియోజకవర్గ అభ్యర్థి వర్ల కుమార్‌రాజా అన్నారు. మండలంలోని గుర్విందపల్లి, చినపులిపాక, బొడ్డపాడు, రొయ్యూరు గ్రామాల్లో సూపర్‌-6 పథకాలను విస్తృతంగా ప్రచారం తెదేపా బీసీ ఫెడరేషన్‌ రాష్ట్ర ప్రధాన కార్యదర్శి వీరంకి వెంటక గురుమూర్తి, నాయకులు వీరపనేని శివరామప్రసాద్‌, గోపాలకృష్ణ, రేణుకారావు, జనసేన నాయకుడు తాడిశెట్టి నరేష్‌, భాజపా నాయకులు, కార్యకర్తలు పాల్గొన్నారు.

తెదేపాలో చేరిక

రొయ్యూరు(తోట్లవల్లూరు), న్యూస్‌టుడే: రొయ్యూరులో శనివారం పలువురు వైకాపాను వీడి తెదేపాలో చేరారు. వారికి కూటమి అభ్యర్థి వర్ల కుమార్‌రాజా కండువాలు కప్పి పార్టీలోకి ఆహ్వానించారు. తెదేపా మండల అధ్యక్షుడు వీరపనేని శివరామప్రసాద్‌, వీరంకి వెంకట గురుమూర్తి, రేణుకారావు, వెంకటేశ్వరరావు తదితరులు పాల్గొన్నారు.

పామర్రు, న్యూస్‌టుడే: తెదేపా కూటమి అభ్యర్థులను అత్యధిక మెజార్టీతో గెలిపించాలని కుమార్‌రాజా భార్య విశ్రమ అభ్యర్థించారు. శనివారం పామర్రు శివారు చాట్లవానిపురంలో మన ఇంటికి మన వర్ల కుటుంబం కార్యక్రమంలో భాగంగా ఆమె సూపర్‌-6 పథకాలను స్థానికులకు వివరించి, కరపత్రాలు పంపిణీ చేశారు.

స్థానిక వీరాంజనేయ కాలనీలో తెదేపా నాయకులు, కార్యకర్తలు శనివారం సాయంత్రం మన ఇంటికి న వర్ల కుటుంబం కార్యక్రమం నిర్వహించారు. జనసేన మండల అధ్యక్షుడు గుంపా గంగాధర్‌, టౌన్‌ అధ్యక్షుడు పరసా సుబ్రహ్మణ్యం పాల్గొని తెదేపా అభ్యర్థి వర్ల  కుమార్‌రాజాను, జనసేన ఎంపీ అభ్యర్థి వల్లభనేని బాలశౌరిలను అత్యధిక మెజార్టీతో గెలిపించాలని కోరారు.

కపిలేశ్వరపురం(పమిడిముక్కల),న్యూస్‌టుడే: ఎన్నికల్లో పామర్రు నియోజకవర్గ అభ్యర్థి వర్ల కుమార్‌రాజాను గెలిపించాలని కోరుతూ శనివారం వర్ల సోదరుడు చాణుక్య, నాయకులు చిగురుపాటి జగదీష్‌, గోవిందు, ఫణిబాబులు ఇంటింటి ప్రచారం చేశారు.