అభివృద్ధికి బాటలు వేద్దాం రండి

విజయవాడ వన్‌టౌన్‌, న్యూస్‌టుడే: విజయవాడ పశ్చిమ నియోజకవర్గంలోని అన్ని కాలనీలను అభివృద్ధి పరిచేందుకు బాటలు వేద్దామని, అందరూ కలిసి రావాలని కూటమి విజయవాడ ఎంపీ, విజయవాడ పశ్చిమ నియోజకవర్గం ఎమ్మెల్యే అభ్యర్థులు కేశినేని శివనాథ్‌, సుజనా చౌదరిలు ప్రజలకు పిలుపునిచ్చారు. ఆదివారం పాతబస్తీ పాతరాజరాజేశ్వరీపేట జనప్రియ అపార్ట్‌మెంట్‌ వాసులతో సమావేశమయ్యారు. వారు మాట్లాడుతూ అన్ని ప్రాంతాలు రాజధానిగా అమరావతి రూపాంతరం చెందుతుంటే జగన్‌మోహన్‌రెడ్డి కావాలనే చంపేశారని ఆరోపించారు. కేంద్ర మంత్రిగా పనిచేసిన  అనుభవాన్ని నియోజకవర్గం అభివృద్ధికి వినియోగించుకునేలా చేస్తానని సుజనా చౌదరి అన్నారు. సుజనా చౌదరి ఎమ్మెల్యే అభ్యర్థిగా పోటీ చేయడం పశ్చిమ నియోజకవర్గం ప్రజల అదృష్టమని కేశినేని శివనాథ్‌ అన్నారు. పాతరాజరాజేశ్వరీపేట వాసుల కష్టాలను తీర్చే బాధ్యత తనదని తెలిపారు. కూటమి నేతలు అడ్డూరి శ్రీరామ్‌, ధనేకుల వెంకట సబ్బారావు, పైలా సోమినాయుడు, మురుగుర్తి ఈశ్వర్‌, సయ్యద్‌ రఫీ, తదితరులు పాల్గొన్నారు.