కోడ్‌ ఉల్లంఘించి ఫ్లెక్సీల ఏర్పాటు

మానిరేవు గ్రామంలో ఏర్పాటు చేసిన ఫ్లెక్సీ

కళ్యాణదుర్గం గ్రామీణం, న్యూస్‌టుడే: ఎన్నికల కోడ్‌ను ఉల్లంఘించి అధికార పార్టీ నాయకులు ఫ్లెక్సీలు ఏర్పాటు చేయడం తీవ్ర విమర్శలకు తావిచ్చింది. గురువారం కళ్యాణదుర్గం మండలం మానిరేవు గ్రామంలో వైకాపా ఎమ్మెల్యే అభ్యర్థి రంగయ్య ఎన్నికల ప్రచారం నిర్వహించారు. ప్రభుత్వ పథకాల లోగో, సీఎం జగన్‌, మంత్రితో పాటు ఎంపీ, ఎమ్మెల్యే అభ్యర్థుల చిత్రాలు, పార్టీ గుర్తు కలిగి ఓటర్లను ప్రభావితం చేసే విధంగా సిద్ధం ప్లెక్సీలను గ్రామంలోని వాల్మీకి విగ్రహం, రచ్చకట్ట, బీసీకాలనీ, ఎస్సీ కాలనీల్లో కట్టారు. వైకాపా నాయకులకు ఎన్నికల కోడ్‌ వర్తించదా అని చర్చించుకొన్నారు. దీనిపై ఎంసీసీ సాలమన్‌ వివరణ కోరగా ఫ్లెక్సీల ఏర్పాటుకు ఎలాంటి అనుమతి లేదన్నారు. అలాంటివి ఏవైనా ఉంటే తొలగింపజేస్తామన్నారు.