రథోత్సవానికి ఆహ్వానించలేదని వాగ్వాదం

అధికారులతో వాదిస్తున్న వైకాపా నాయకులు

వజ్రకరూరు, న్యూస్‌టుడే: వజ్రకరూరులో రథోత్సవం సందర్భంగా గ్రామ సర్పంచి, ఆలయ పాలక మండలి సభ్యులను అధికారిక లాంచనాలతో ఆహ్వానించలేదని ఉపతహసీల్దార్‌ చంద్రశేఖర్‌, ఈవో కృష్ణయ్యతో స్థానిక వైకాపా నాయకులు వాగ్వాదానికి దిగారు. ఎన్నికల కోడ్‌ అమలులో ఉన్నందున తాము ఎవరిని పిలువలేదని, నిబంధనల మేరకే వ్యవహరించామని అధికారులు తెలిపారు. పనులు చేయించుకున్నప్పుడు రాని నిబంధనలు ఆహ్వానించడానికి అడ్డు వచ్చాయా అంటూ వారు గొడవకు దిగారు. ఉన్నతాధికారుల ఆదేశాల మేరకు వారు లేకుండానే రథోత్సవం నిర్వహించాలని అధికారులు సిద్ధం అవుతుండగా గ్రామస్థులు కొందరు ఇరువురికి సర్తి చెప్పి కార్యక్రమాన్ని సజావుగా నిర్వహించారు. వైకాపా నాయకుల తీరుపై భక్తులు అసహనం వ్యక్తం చేశారు.