గూడ్స్ రైలు బోగీలో మంటలు...

చిప్పగిరి: గూడ్స్‌ రైలు బోగీలో మంటలు వచ్చిన చెలరేగిన ఘటన కర్నూలు జిల్లా చిప్పగిరి మండలం నేమ్‌కల్ రైల్వేస్టేషన్‌లో చోటుచేసుకుంది. గుంతకల్లుకు చెందిన అగ్నిమాపక సిబ్బంది ఇదూరు బాష, ఫయాజ్‌, సాయి, రవి తదితరులు మంటలను ఆర్పివేశారు. రైల్వేస్టేషన్‌లో ఆగి ఉన్న గూడ్స్‌ రైలులోని ఓ బోగీలో స్వల్పంగా మంటలతో పొగలు వచ్చాయి. ఎండలు ఎక్కువగా ఉండటంతో బోగీల్లో ఇలా రావడం సాధారణమేనని స్టేషన్‌ మాస్టర్‌ ముజేష్‌కుమార్‌ తెలిపారు. ఈ నెలలో ఇది రెండోసారి అని చెప్పారు. రాకపోకలకు ఎలాంటి అంతరాయం లేదన్నారు. ఒక లైన్‌లో విద్యుత్‌ సరఫరాను నిలిపివేసి మంటలను అదుపులోకి తీసుకొచ్చినట్లు వివరించారు.