నేడు బీసీ గురుకులాల్లో ప్రవేశానికి పరీక్ష

నారాయణపేట పట్టణం, న్యూస్‌టుడే : మహాత్మా జ్యోతిబా ఫులే బీసీ గురుకుల కళాశాలల్లో ప్రవేశాలకు ఆదివారం ప్రవేశ పరీక్ష నిర్వహిస్తున్నట్లు బీసీ గురుకులాల జిల్లా సమన్వయకర్త సుగుణశ్రీ శనివారం ఓ ప్రకటనలో తెలిపారు. జిల్లా కేంద్రంలో సాంఘిక సంక్షేమ గురుకుల, క్రిష్ణ గోకులం ఉన్నత, లిటిల్‌ స్టార్స్‌ ఉన్నత, రవితేజ ఉన్నత పాఠశాలల్లో పరీక్ష నిర్వహించేందుకు ఏర్పాట్లు పూర్తి చేసినట్లు చెప్పారు. 1,008 మంది విద్యార్థులు హాజరవుతున్నట్లు పేర్కొన్నారు. ఉదయం 10 నుంచి 12:30 గంటల వరకు నిర్వహిస్తున్నట్లు వివరించారు. విద్యార్థులు సకాలంలో హాజరు కావాలని కోరారు.