విస్తృతంగా వాహనాల తనిఖీ

ఎల్లారెడ్డి పట్టణం: పార్లమెంట్‌ ఎన్నికల నేపథ్యంలో పోలీసులు ముమ్మరంగా తనిఖీలు చేపడుతున్నారు. శనివారం పట్టణ కేంద్రంలోని అంబేడ్కర్ చౌరస్తా వద్ద  పోలీసులు వాహనాల తనిఖీలు చేపట్టారు. ఈ సందర్భంగా సీఐ రవీందర్ నాయక్ మాట్లాడుతూ.. ఎన్నికల కోడ్‌ నిబంధనల మేరకు రూ.50 వేల కంటే ఎక్కువగా డబ్బు రవాణా చేస్తే తప్పనిసరిగా ఆ నగదుకు సంబంధించిన రసీదు ఉండాలన్నారు. వాహనదారులందరూ కూడా నంబర్ ప్లేటు, సరైన ధ్రువపత్రాలు కలిగి ఉండాలని సూచించారు. సరైన పత్రాలు, నంబర్ ప్లేట్లు లేని 30 వాహనాలను జప్తు చేసినట్లు పోలీసులు తెలిపారు. కార్యక్రమంలో ఎస్సై మహేష్, ఎల్లారెడ్డి సర్కిల్ పరిధిలోని అన్ని పోలీస్ స్టేషన్ల ఎస్సైలు, సిబ్బంది ఉన్నారు.