ఓటర్లకు నగదు పంపిణీ

పోలీసుల అదుపులో ఓ నేత

ఇందూరు సిటీ, న్యూస్‌టుడే: జిల్లాకేంద్రం వినాయక్‌నగర్‌ పరిధిలో ఓటర్లను ప్రసన్నం చేసుకునేందుకు కొందరు నాయకులు ఆదివారం రాత్రి నగదు పంపిణీకి తెరలేపారు. ఆయా ఠాణా పరిధిలో నగదు పంపిణీ చేసేందుకు తిరుగుతున్న వారిని గుర్తించి పోలీసులు చెదరగొట్టారు. స్థానికుల సమాచారం మేరకు నాలుగో ఠాణా పరిధిలో ఓ పార్టీకి చెందిన నేత డబ్బులు పంపిణీ చేస్తూ పోలీసులకు పట్టుబడ్డాడు. స్థానికులు ఈ విషయాన్ని ధ్రువీకరిస్తున్నప్పటికీ పోలీసులు స్పందించడం లేదు. రెండు, మూడు, ఐదో ఠాణాల పరిధిలో ఓటర్లను ప్రలోభాలకు గురిచేస్తున్నారనే సమాచారంతో పోలీసులు అక్కడికి చేరుకొని వారిని వెళ్లగొట్టారు.