కుప్పకూలిన రైల్వే కారిడార్‌ పైకప్పు

గోపాల్‌పూర్‌: పూరీ రైల్వే స్టేషన్‌ ఆవరణలో నిర్మాణంలో ఉన్న కారిడార్‌ పైకప్పు ఆదివారం మధ్యాహ్నం కుప్పకూలింది. ఇక్కడ పనులు చేస్తున్న వారిలో నలుగురు కార్మికులు గాయపడ్డారు. ఒకరి పరిస్థితి విషమంగా ఉంది క్షతగాత్రుల్ని రైల్వే పోలీసులు పూరీ మెడికల్‌ ఆసుపత్రికి చికిత్సకు తరలించారు. పూరీ రైల్వే స్టేషన్‌కు ప్రపంచస్థాయి కల్పించడానికి ఈస్ట్‌కోస్ట్‌ రైల్వే యంత్రాంగం పనులు ముమ్మం చేసింది. ఈ క్రమంలో 3000 అడుగుల కారిడార్‌ మార్గం పైకప్పు నిర్మాణం జరుగుతుండగా కుప్పకూలింది. ఘటన స్థలానికి చేరుకున్న ఉన్నతాధికారులు పరిస్థితి సమీక్షించారు. నిర్మాణం పనుల్లో లోపమెక్కడ అన్నదానిపై ఉన్నతస్థాయి దర్యాప్తును ఆదేశించారు.