డబుల్‌ ఇంజిన్‌ నినాదం ఇక్కడ ఫలితమివ్వదు

కార్తికేయ పాండ్యన్‌

నువాపడలో ప్రసంగిస్తున్న పాండ్యన్‌

భువనేశ్వర్‌, న్యూస్‌టుడే: రాష్ట్రంలో భాజపా డబుల్‌ ఇంజిన్‌ పాలన నినాదం పనిచేయదని, నవీన్‌ ఇంజిన్‌ మాత్రమే పరుగులు తీస్తుందని బిజద నేత వి.కార్తికేయ పాండ్యన్‌ అన్నారు. శనివారం సాయంత్రం నువాపడలో ఎన్నికల బహిరంగ సభలో ఆయన మాట్లాడుతూ... అభివృద్ధి కోరుతున్నవారు నవీన్‌ పట్ల విశ్వాసం పెంచుకున్నారని, ఆయననే తమ పెన్నిధిగా చేసుకున్నారన్నారు. కోరకుండానే సీఎం అన్నీ సమకూర్చుతున్నారన్న భరోసా ప్రజల్లో ఉందన్నారు. ఈసారి ఎన్నికల్లోనూ మళ్లీ బిజదకు పట్టం కడతారని, నవీన్‌ ఆరోసారి పాలనా పగ్గాలు చేపడతారని చెప్పారు. సభలో మంత్రి రాజేంద్ర డోల్కియా, ఇతర నాయకులు పాల్గొన్నారు.