దిబ్బలపాలెంలో పులి సంచారం..?

దిబ్బలపాలెం సమీపంలో స్థానికులు గుర్తించిన పాదముద్రలు
భోగాపురం, న్యూస్‌టుడే: భోగాపురం మండలంలోని దిబ్బలపాలెం, కవులవాడ పరిసర ప్రాంతాల్లో పులి సంచరిస్తున్నట్లు స్థానికులు ఆందోళన వ్యక్తం చేస్తున్నారు. అయిదు రోజుల కిందట పులితో పాటు పిల్లకూన పాదముద్రలను గుర్తించామని చెబుతున్నారు. విమానాశ్రయ పనుల ప్రాంతంలో జనసంచారం ఉంటుందని, అక్కడికి వచ్చే అవకాశం లేదని మరికొందరు కొట్టిపారేస్తున్నారు. ఆ ప్రాంతాల్లో గుర్తించిన పాదముద్రలను బట్టి పులివనే స్థానికులు నమ్ముతున్నారు. దీనిపై రెవెన్యూ, అటవీశాఖ అధికారులను వివరణ కోరగా ఇప్పటివరకు ఈ విషయం తమ దృష్టికి రాలేదని, అక్కడి వెళ్లి పరిశీలిస్తామని చెప్పారు.