త్యాగానికి చిహ్నం కాషాయం

తమిళిసై

సైదాపేట, న్యూస్‌టుడే: కాషాయ రంగు త్యాగానికి చిహ్నమని మాజీ గవర్నర్‌ తమిళిసై సౌందరరాజన్‌ తెలిపారు. దూరదర్శన్‌ లోగోను కాషాయ రంగులోకి మార్చడాన్ని ముఖ్యమంత్రి స్టాలిన్‌ ఖండించిన నేపథ్యంలో తమిళిసై తన ఎక్స్‌ పేజీలో స్పందించారు. ఆల్‌ ఇండియా రేడియోకు ఆకాశవాణి అనే సంస్కృత పేరు ఎందుకు పెట్టారని స్టాలిన్‌ అడిగారని, ఆ పేరు కాంగ్రెస్‌ హయాం నుంచే ఉందన్నారు. మీ కుటుంబ ఛానల్‌ అయిన సన్‌ టీవీ పేరును తమిళంలోకి ఎప్పుడు మారుస్తారని ప్రశ్నించారు. డీడీ పొదిగై అనే పేరును డీడీ తమిళ్‌ అని మార్చి తమిళానికే గౌరవం తెచ్చారని తెలిపారు. కాషాయం అనేది త్యాగానికి ప్రతీక అని చెప్పారు. ఆ రంగులోకి దూరదర్శన్‌ లోగోను మార్చడం తప్పుకాదన్నారు.