వాహనాలపై స్టిక్కర్లు అంటించడంపై నిషేధం

ప్యారిస్‌, న్యూస్‌టుడే: ప్రజలు తమ వాహనాలపై మీడియా, పోలీసు, న్యాయశాఖ, ఆర్మీ అని పలు శాఖలు, సంస్థల పేర్లను అతికించడానికి గ్రేటర్‌ చెన్నై ట్రాఫిక్‌ పోలీసులు నిషేధం విధించారు. శనివారం విడుదల చేసిన ప్రకటనలో... సొంత వాహనాల నెంబరు ప్లేట్లపై స్టిక్కర్లు లేదా మరేదైనా గుర్తుల ఆకారంలో తమ శాఖ గుర్తుని తెలియజేయడం ద్వారా వ్యక్తులకు, సంబంధిత శాఖలకు ఇబ్బందులు కలుగుతున్నట్లు పేర్కొంది. చెన్నై సహా చాలా చోట్ల ప్రైవేటు వాహనాలపై పత్రిక, సెక్రటేరియెట్‌, పోలీసు, ఆర్మీ మొదలైన పేర్లు కనిపిస్తున్నాయని, నేరాలకు పాల్పడే వారు ఇలాంటి స్టిక్కర్లను తప్పుగా ఉపయోగిస్తున్నారని తెలిపారు. కావున ఇలాంటి పేర్లు, గుర్తులను వాహనాలపై నుంచి తొలగించడానికి మే 1 వరకు అవకాశం ఇస్తున్నట్లు పేర్కొన్నారు. నిబంధనలను ఉల్లంఘిస్తే మే 2 నుంచి మోటారు వాహనాల చట్టం కింద తగిన చర్యలు తీసుకోనున్నట్లు వెల్లడించారు.