నైతిక విలువలు పెంపొందించుకోవాలి: వీసీ

జ్యోతి వెలిగిస్తున్న  జానకిరామ్‌

ఉద్యాన విశ్వవిద్యాలయం, న్యూస్‌టుడే: విద్యతో పాటు విద్యార్థులు నైతిక విలువలు పెంపొందించుకోవాలని వెంకట్రామన్నగూడెం వైఎస్‌ఆర్‌ ఉద్యాన విశ్వవిద్యాలయం ఉపకులపతి డా.తోలేటి జానకిరామ్‌ సూచించారు. స్థానిక ఉద్యాన కళాశాల 18వ వార్షికోత్సవం గురువారం ఘనంగా నిర్వహించారు. ఈ సందర్భంగా కళాశాల పత్రిక ‘సౌగంధిని’ వీసీ ఆవిష్కరించారు. వివిధ విభాగాల్లో ప్రతిభ చూపిన విద్యార్థులకు బంగారు పతకాలు అందజేశారు. విద్యార్థుల నృత్య ప్రదర్శనలు ఆకట్టుకున్నాయి. పలు విభాగాల డీన్‌లు పద్మావతమ్మ, సలోమి సునీత, మాధవి తదితరులు పాల్గొన్నారు.