పెద్దిరెడ్డి ప్రోద్బలంతోనే తెదేపా నేతలపై కేసులు

మాట్లాడుతున్న తెదేపా జిల్లా అధ్యక్షుడు చమర్తి జగన్‌మోహన్‌రాజు, నాయకులు

రాయచోటి, న్యూస్‌టుడే: మంత్రి పెద్డిరెడ్డి రామచంద్రారెడ్డి జోక్యంతోనే పోలీసులు తెదేపా నేతలపై  హత్యాయత్నం కేసులు నమోదు చేశారని తెదేపా జిల్లా అధ్యక్షుడు చమర్తి జగన్‌మోహన్‌రాజు పేర్కొన్నారు. రాయచోటిలో ఆదివారం జరిగిన సమావేశంలో ఆయన మాట్లాడారు. పుంగనూరు నియోజకవర్గం చౌడేపల్లి మండలం బోయకొండ ఆర్చి వద్ద తెదేపా నేతలపై వైకాపా నేతలు రాళ్లదాడికి పాల్పడడం పిరికిపంద చర్య అని ఆయన పేర్కొన్నారు. ఇటువంటి దాడులతో తెదేపా కార్యకర్తలు, నాయకుల ఆత్మస్థైర్యాన్ని దెబ్బతీయలేరని ఆయన పేర్కొన్నారు. వైకాపా మునిగిపోయే నావా అని ఎద్దేవా చేశారు. కార్యక్రమంలో తెదేపా వీరబల్లి మండలాధ్యక్షుడు భానుగోపాల్‌రాజు పాల్గొన్నారు.