పోలవరం వద్ద పెరిగిన వరద

పోలవరం: గోదావరిలో వరద ప్రవాహం పెరుగుతోంది. పోలవరం ప్రాజెక్టు స్పిల్‌వే వద్ద సోమవారం ఉదయం 29.64 మీటర్లు ఉన్న నీటిమట్టం.. సాయంత్రానికి 29.88 మీటర్లకు పెరిగింది. 48 గేట్ల ద్వారా 4.60 లక్షల క్యూసెక్కుల నీటిని దిగువకు వెళ్తోంది. మరోవైపు భద్రాచలం వద్ద ఉదయం 30.30 అడుగులు ఉన్న గోదావరి నీటిమట్టం.. సాయంత్రానికి 32.30 అడుగులకు పెరిగినట్లు జలవనరుల శాఖ అధికారులు తెలిపారు. గత 40 రోజులుగా గోదావరిలో వరద ప్రవాహం కొనసాగుతుందని సీడబ్ల్యూసీ అధికారులు తెలిపారు. ఇప్పటి వరకు సముద్రంలోకి 3,045 టీఎంసీలు విడుద చేసినట్లు వారు పేర్కొన్నారు. మరో రెండు మూడు రోజులు పాటు వరద ఇదేవిధంగా కొనసాగుతుందన్నారు.